Віктар Аляксандравіч Лазінскі

Віктар Аляксандравіч Лазінскі
Віктар Аляксандравіч Лазінскі
Дата нараджэння	6 красавіка 1963 (62 гады)
Месца нараджэння	Галаванеўск, Благавішчэнскі раён, Кіраваградская вобласць, УССР, СССР;
Грамадзянства	СССР; Украіна;
Член у	Вярхоўная Рада Украіны VI склікання[d];
Род дзейнасці	палітык
Узнагароды
	Медыяфайлы на Вікісховішчы

Віктар Аляксандравіч Лазінскі (нар. 6 красавіка 1963) — украінскі палітык. З 23 лістапада 2007 па 3 ліпеня 2009 гг. — народны дэпутат Вярхоўнай Рады Украіны VI склікання ад Блоку Юліі Цімашэнкі.

Біяграфія

Мае вышэйшую адукацыю. На момант абрання ў парламент быў беспартыйным, займаў пасаду генеральнага дырэктара сельскагаспадарчага ТАА «Манжурка». Пражывае ў Кіеве.

У Вярхоўнай Радзе займаў пасаду кіраўніка падкамітэту па пытаннях кантролю выканання заканадаўства ў сферы барацьбы з арганізаванай злачыннасцю і карупцыяй органамі дзяржаўнай улады і мясцовага самакіравання Камітэта па пытаннях барацьбы з аргзлачыннасцю і карупцыяй. Акрамя таго, знаходзіўся ў групах па міжпарламенцкіх сувязях з Арменіяй, Узбекістанам, Расійскай Федэрацыяй, Злучаным Каралеўствам Вялікай Брытаніі і Паўночнай Ірландыі.

На пленарных пасяджэннях Вярхоўнай Рады быў зарэгістраваны 187 разы, прапусціў пасяджэнні 19 разоў. Выступаў з месца 8 разоў і двойчы перадаваў слова калегам. Зрабіў два дэпутацкія запыты і стаў аўтарам трох законапраектаў.

У чэрвені 2009 года В. Лазінскі аказаўся ў цэнтры скандалу, звязанага са смерцю жыхара Галаваніўскага раёна Кіраваградскай вобласці. 1 ліпеня 2009 года Генеральная пракуратура Украіны ўзбудзіла ў дачыненні дэпутата крымінальную справу па ч.2 арт.121 Крымінальнага кодэкса Украіны (наўмыснае нанясенне цяжкіх цялесных пашкоджанняў, якое прычынілася смерці пацярпелага) і скіравала да Вярхоўнай Рады паданне пра зняцце з яго недатыкальнасці. 3 ліпеня 2009 года В. Лазінскі 415 галасамі парламентарыяў быў пазбаўлены мандата — «у сувязі з асабістай заявай пра складанне ім дэпутацкіх паўнамоцтваў».