Вікіпедыя:Рэцэнзаванне/Hair Peace Salon

Тут знаходзяцца абмеркаванні, якія завяршыліся. Просьба не ўносіць змен.

Можа хто, калі ласка, даць парады, што тут трэба гарманізаваць. Зразумела, пакуль што гэта каша са звестах рознай значнасці і спасылак( Магчыма, зашмат простай мовы... Спасылкі-«крыніцы» на Discogs, YouTube, сацсеткі і да таго падобнае буду прыбіраць, зразумела. Ладныя артыкулы пра альбомы «Gentleman», «Split Before, Together Now» ёсць. Мяркую, трэба скараціць біяграфію; стыль, ацэнкі, моўнае пытанне захаваць, але і іх трэба будзе яшчё разок упарадкаваць, знайсці і спалучыць аднолькавыя меркаванні і пакінуць побач. Як уплесці тое, што ўжо зроблена па «Jitters»? Часта па тэксту ідзе гаворка пра сувязь з «Open Space», таксама брыт-рок/поп гурт-суайчыннік, як скарачаць?

Усім дзякуй за заўвагі загадзя! (✿◕‿◕) -- Pr12402 22 верасня 2019

1. Усе ўласныя імёны (назвы гуртоў, альбомаў, сінгалў, лэйблаў, фестываляў і інш.) згодна з правіламі беларускай мовы павінны брацца ў двукоссе, і менавіта ў такое: «». Y Зроблена
2. Змяніць у тых месцах, дзе павінен быць працяжнік, сімвал «–» на сімвал «—» прыбраць прабелы ў дыяпазонах гадоў (напрыклад, 2002 –2006). Y Зроблена
3. Апострафы чамусьці сустракаюцца вылучаныя цёмным, незразумела чаму. Y Зроблена
4. У самым пачатку артыкула, мяркую, нядрэнна было б дадаць шаблон {{lang-be}} з перакладам назвы гурта. Y Зроблена
5. Я не вялікі адмысловец у пытаннях лексікі, але як правільна будзе «гуляць» ці «граць»? (адзін з прыкладаў: Група робіць крокі на гранж сцэну, актыўна гуляючы канцэртах…) Y Зроблена
6. «Хлопцы з HPS заўсёды захапляліся творчасцю не вельмі вядомай, але любімай у пэўных колах каманды Jitters. А сёння яны дагналі іх па майстэрству, сталі побач і ў чымсьці нават абыйшлі», – вось вытрымка з рэцэнзіі крытыка Алены Сабалеўскай з «Музыкальнай газеты» на альбом. (У дадзеным сказе ізноў гэты мастацкі стыль, а яшчэ цытаты трэба б было б выдзяліць курсівам тут і па ўсім абшары артыкула.) Y Зроблена
7. Мне не падабаюцца унутраныя спасылкі кшталту «беларускім вэб-партале TUT.BY». Непатрэбнае драбленне, мяркую. У тэорыі павінна быць «беларускім вэб-партале TUT.BY», спасылкі на асобныя артыкулы пра Беларусь і вэб-парталы карыстальнік убачыць, калі перойдзе па спасылцы на сам артыкул TUT.BY Y Зроблена
8. «…і гэты рэліз пачаў быць даступны з афіцыйнага сайта hairpeacesalon.com» выглядая як рэклама, сам сайт трэба выдаліць з тэкста, на яго ёсць спасылка ўнізе артыкула і хопіць таго. Y Зроблена
9. Трэба пераправерыць выкарыстанне «ў» замест «у». Напрыклад, у слове шоу — зноў ж такі, я не спецыяліст па граматыцы, але ці не павінна тут быць у нескладовае. Y Зроблена
10. У апісаннях да выяў павінны стаяць кропкі. Y Зроблена
11. Калі гурт спыніў існаванне, то суадносна ў раздзеле пра ўдзельнікаў павінны стаяць гады пасля працяжніка. Y Зроблена
12. Не думаю, што трэба скарачаць біяграфію ў артыкуле і выдаляць узаемаадносіны калектыва з іншымі гуртамі. Але тое, што трэба прыбраць неаўтарытэтныя спасылкі на крыніцы — факт Y Зроблена

P.S. Асобнае дзякуй пра раздзел з моўным пытаннем, вельмі цікавы! P.P.S. А яшчэ, я чамусьці не знайшоў у артыкуле згадвання пра легендарны канцэрт у Гродне, на якім мне давялося асабіста прысутнічаць: https://vk.com/photo-6788257_125440903 !!! Гэта я жартую, канешне Віт; размовы 15:01, 12 кастрычніка 2019 (+03)[адказаць]

Дзякуй, Віт! Буду паціху перарабляць. Pr12402 12 кастрычніка 2019