Вінаград (род раслін)

Вінаград (род раслін)
Вінаград культурны (Vitis vinifera)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вінаградакветныя Сямейства:  Вінаградавыя Падсямейства:  Vitoideae Род:  Вінаград
Міжнародная навуковая назва
Vitis L.
Сістэматыка на Віківідах Выявы на Вікісховішчы ITIS   28606 NCBI   3603 EOL   38383 GRIN   g:12735 IPNI   325876-2 FW   157350

Вінаград^[1] (Vitis) — род раслін сямейства вінаградавых, а таксама плады гэтых раслін, у спелым выглядзе — салодкія ягады.

Шматгадовыя дрэвавыя ліяны з доўгімі (3—5 м) тонкімі аднагадовымі парасткамі і магутнай каранёвай сістэмай. Кветкі двухполыя або функцыянальна жаночыя, дробныя, зялёныя, сабраныя ў мяцёлчатае суквецце. Апыленне перакрыжаванае і самаапыленне. Ягады багатыя цукрамі, арганічнымі кіслотамі, вітамінамі групы В, С, D.

Цепла- і святлолюбівая расліна, якая не выносіць пераўвільгатнення, расце на лёгкіх урадлівых глебах, адчувальная да позніх веснавых і ранніх асенніх замаразкаў.

Вядома каля 70 відаў, пашыраных у Еўразіі і Амерыцы. З улікам арэалаў іх паходжання і распаўсюджання, а таксама па сукупнасці батанічных прыкмет яны падзяляюцца на тры групы:

• еўрапейска-азіяцкую,
• амерыканскую,
• усходне-азіяцкую.

Вінаград культурны (Vitis vinifera) узнік ад дзікага ў працэсе працяглай эвалюцыі, натуральнага і штучнага адбору; існуе больш за 20 тыс. сартоў. Вырошчваюць таксама паўночнаамерыканскія віды: Ізабела  (руск.) (бел., вінаград скальны (Vitis rupestris) і інш., якія часта выкарыстоўваюць у якасці філаксераўстойлівага прышчэпа; вінаград амурскі (Vitis amurensis), вінаград лісіны (Vitis vulpina) і інш. — для азелянення.

Гібрыды

• Vitis ×andersonii Rehder
• Vitis ×bourquiniana W.A.Taylor
• Vitis ×champinii Planch.
• Vitis ×doaniana Munson ex Viala
• Vitis ×novae-angliae Fernald
• Vitis ×slavinii Rehder

• Вранац

• Вінаград // БЭ ў 18 т. Т. 4. Мн., 1997.