Віцебскі філіял Беларускай дзяржаўнай акадэміі сувязі

Віцебскі філіял Беларускай дзяржаўнай акадэміі сувязі
Віцебскі філіял Беларускай дзяржаўнай акадэміі сувязі
Дата заснавання	12 лістапада 1945
Тып	адукацыйная ўстанова[d]
Дырэктар	Сяргей Андрэевіч Шыбека
Размяшчэнне	Віцебск;
Адрас	г. Віцебск, пр. Чарняхоўскага, 14
	vfbsac.by (руск.) (бел.) (англ.) (кіт.)

Віцебскі філіял Беларускай дзяржаўнай акадэміі сувязі Міністэрства сувязі і інфарматыкі Рэспублікі Беларусь — сярэдняя спецыяльная навучальная ўстанова ў горадзе Віцебску. Размешчаны ў будынку (арх. А. Данілава) па адрасе вуліцы Ільінскага, 45^[1].

Гісторыя

12 лістапада 1945 года загадам № 480 народнага камісарыята сувязі СССР утвораны Беларускі электратэхнікум сувязі ў г. Пінску. Першымі навучэнцамі былі дэмабілізаваныя воіны Савецкай Арміі, вязні фашысцкіх лагераў, моладзь, якая вырасла ва ўмовах вайны. Першымі выкладчыкамі былі франтавікі-сувязісты.

У 1957 годзе Загадам ад 13 мая Беларускі электратэхнікум сувязі пераведзены ў г. Віцебск^[1], дзе былі пабудаваны новы сучасны вучэбны корпус, інтэрнат на 400 месцаў, сталовая, спортзала. Фарміраваннем калектыву па-ранейшаму займалася С. І. Сізова. У 1959 годзе ў тэхнікуме было створана завочнае аддзяленне.

У 1970 годзе БЭТС узнагароджаны Ганаровай граматай Вярхоўнага Савета БССР за поспехі ў падрыхтоўцы спецыялістаў сувязі.

З 1965 па 1978 гадах тэхнікум займаўся падрыхтоўкай спецыялістаў па спецыяльнасцях: радыёсувязь і радыёвяшчанне, раённая электрычная сувязь і радыёфікацыя, аўтаматычная электрычная сувязь, лінейна-кабельныя збудаванні сувязі, паштовая сувязь.

У 1986/87 навучальным годзе спецыяльнасці: аўтаматычная электрычная сувязь (АЭС), шматканальная электрычная сувязь (ШЭС), раённая электрычная сувязь і радыёфікацыя (РЭС), лінейна-кабельныя збудаванні сувязі (ЛКЗС), паштовая сувязь (ПШ). Навучанне дзённае і завочнае. Прымаюцца асобы, якія скончылі 8 (на спецыяльнасці РЭС, ЛКЗС) і 10 (на спецыяльнасці АЭС, МЭС, ЛКЗС) класаў. За час з 1945 па 1987 падрыхтавана больш 14 тыс. спецыялістаў^[1].

У 1991 годзе Беларускі электратэхнікум сувязі быў перайменаваны ў Віцебскі электратэхнікум сувязі (ВЭТС).

У 1993 годзе тэхнікум сувязі быў рэарганізаваны ў Вышэйшы каледж сувязі. А ў верасні гэтага ж года навучальная ўстанова становіцца Віцебскім філіялам Вышэйшага каледжа сувязі.

Віцебскі філіял Вышэйшага каледжа сувязі з 28 чэрвеня 2001 года быў перайменаваны ў Віцебскі філіял УА «Вышэйшы дзяржаўны каледж сувязі».

9 чэрвеня 2015 года Віцебскі філіял УА «Вышэйшы дзяржаўны каледж сувязі» перайменаваны ў «Віцебскі філіял УА „Беларуская дзяржаўная акадэмія сувязі“» і з’яўляецца адасобленым падраздзяленнем УА «Беларуская дзяржаўная акадэмія сувязі».

Назвы

Віцебскі філіял УА «Беларуская дзяржаўная акадэмія сувязі» (2015)
Віцебскі філіял УА «Вышэйшы дзяржаўны каледж сувязі» (2001)
Віцебскі філіял УА «Вышэйшы каледж сувязі» (1993)
Віцебскі электратэхнікум сувязі (1991)
Беларускі электратэхнікум сувязі (1945)

Структура

Філіял уключае 9 філіялаў кафедраў, 21 лабараторыю, 14 кабінетаў, 10 навучальных цэнтраў, 1 вучэбна-вытворчую майстэрню, актавую залу, бібліятэку, спартыўную і гімнастычную залы, стадыён, буфет, інтэрнат, медыцынскі пункт, пакой для адпачынку пры інтэрнаце і інш.

Спецыяльнасці

Тэлекамунікацыйныя сістэмы
Паштовая сувязь
Бухгалтарскі ўлік, аналіз і аўдыт

Навучанне: дзённае і завочнае.

Дырэктары

Соф’я Іванаўна Сізова (1945—1965)
Іван Мікалаевіч Цыклінскі (1978—1990)
Васілій Мікалаевіч Логвін (1990—1999)
Віктар Іванавіч Карлаў (1999—2017)
Сяргей Андрэевіч Шыбека (з 2017)

Выбітныя выкладчыкі і выпускнікі

Францішак Кісель — каталіцкі біскуп Віцебскі.

Зноскі

↑ ^а ^б ^в Электротехникум связи // Витебск: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — ISBN 5-85700-004-1.

Літаратура

Віцебскі філіял Вышэйшага каледжа сувязі // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 232. — 10 000 экз. — ISBN 985-11-0035-8. — ISBN 985-11-0090-0 (т. 4).
Электротехникум связи // Витебск: Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — ISBN 5-85700-004-1.