Галавач мешкападобны

Галавач мешкападобны
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Шампіньёнавыя Род:  Галавач Від:  Галавач мешкападобны
Міжнародная навуковая назва
Calvatia utriformis (Pers.) O. Jaab.
Сінонімы
Handkea utriformis Lycoperdon utriforme
Выявы на Вікісховішчы NCBI   2493946 MB   554053

Галава́ч мешкападобны (Calvatia utriformis) — базідыяльны грыб сямейства дажджавіковых.

Пладовыя целы буйныя (5-16 см вышынёй, 4-16 см шырынёй), шырокагрушападобныя або яйцападобныя, з асновай у выглядзе несапраўднай ножкі, зверху пляскатыя, ля асновы — акруглена-складкаватыя, з тоўстым міцэліяльным цяжам. Экзаперыдый спачатку белы, пры выспяванні шэра-карычневы, губчата-лямцавы ці бародаўчаты, хутка знікае. Эндаперыдый у выглядзе грубай паперы, шэра-карычневы, слаба блішчасты. Мякаць белая, складаецца з камер, з узростам распыльваецца. Спелае пладовае цела пасля разбурэння верхняй паловы эндаперыдыя мае выгляд кубка, напоўненага масай спор, якія разносяцца ветрам.

Касмапаліт. Расце на глебе ў лясах розных тыпаў, на выганах, на раллі, у садах, на сухадольных, альпійскіх і субальпійсіих лугах.

Маладыя грыбы ядомыя.