Гамбург (карная аперацыя)

Аперацыя «Гамбург»
Асноўны канфлікт: Вялікая Айчынная вайна
Дата	7—17 снежня 1942
Месца	Беларуская ССР
Прычына	дзейнасць савецкіх партызанскіх атрадаў
Праціўнікі
14-ы нямецкі паліцэйскі полк СС Ленінская партызанская брыгада

Аперацыя «Гамбург» (ням.: Unternehmen «Hamburg») — кодавая назва карнай антыпартызанскай аперацыі супраць мясцовага насельніцтва і савецкіх партызанскіх атрадаў у трохкутніку Ліда—Баранавічы—Ваўкавыск. Адбылася 7—17 снежня 1942 года.

Мэта аперацыі — наступленнем прыціснуць савецкіх партызан і мясцовых жыхароў, што адыходзілі з імі, да загараджальнай лініі каля сутокаў рэк Шчара і Нёман, і знішчыць.

Праводзілася сіламі 14-га паліцэйскага палка СС, 5 паліцэйскімі і ахоўнымі батальёнамі, 2 батальёнамі вермахта, больш за 15 спецыяльнымі камандамі паліцыі бяспекі і СД, артылерыйскімі ротамі і дывізіёнамі. Адказным за аперацыю быў брыгадэнфюрэр СС Курт фон Готберг.

Нямецкім карнікам процістаялі 4 партызанскія атрады (кая 800 чал.) і Ленінская партызанская брыгада, якая прыняла асноўны ўдар праціўніка. Пасля жорсткіх баёў у ноч на 17 снежня партызаны, пазбегнуўшы акружэння, выйшлі ў раней намечаныя раёны.

У выніку аперацыі было загубена 6172 чал., з іх 4498 чалавек мірнага насельніцтва. Пасля перагрупоўкі сваіх сіл нямецкія карныя падраздзяленні працягвалі аперацыю пад кодавай назвай «Альтона»/

• Кавалеўская, І. Помнім боль і страты свае // Зара над Нёманам. — 2014-07-02. — № 50 (8760). — С. 9. Архівавана з першакрыніцы 29 студзеня 2022.
• «Гамбург» // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 13. — 10 000 экз. — ISBN 985-11-0035-8. — ISBN 985-11-0090-0 (т. 5).