Ганна Станіславаўна Халшчанкова

Ганна Станіславаўна Халшчанкова
Ганна Станіславаўна Халшчанкова
Дата нараджэння	21 студзеня 1951 (74 гады)
Месца нараджэння	Банцавічы, Дзітвянскі сельсавет, Лідскі раён, Баранавіцкая вобласць, БССР, СССР;
Краіна	Беларусь;
Альма-матар	Мінскае музычнае вучылішча (1970-я); Мінскі інстытут культуры (1991);
Месца працы	Першы Нацыянальны канал Беларускага радыё; Камерна-інструментальны ансамбль Беларускага радыё і тэлебачання[d];
Музычная дзейнасць
Прафесіі	спявачка
Узнагароды

Ганна Станіславаўна Халшчанкова (дзявоч. Радзько; нар. 21 студзеня 1951, Банцавічы, Лідскі раён) — беларуская спявачка. Заслужаная артыстка Беларускай ССР (1982).

Біяграфія

Нарадзілася ў вёсцы Банцавічы на Лідчыне ў сям’і калгаснікаў. Бацька — Станіслаў Міхайлавіч, маці — Зоф’я Міхайлаўна. У іх сям’і было 6 дзяцей — тры дачкі і тры сыны. З 1958 па 1962 год (з 1 па 4 класы) вучылася ў беларускай школе ў суседняй вёсцы Кульбакі (Лідскі раён). З 1962 па 1966 гады навучалася ў СШ № 2 г. Ліды, поўны школьны курс закончыла ў СШ № 6 у 1968 годзе.

З юнацкіх гадоў прымала ўдзел у мастацкай самадзейнасці, вольны час аддавала песням. Трапіла ў народны ансамбль песні і танца «Лідчанка».

Пасля праслухоўвання ў 1971 годзе атрымала штатную работу на Беларускім радыё. У 1972 годзе Ганна Радзько паступае ў Мінскае дзяржаўнае музычнае вучылішча імя М. Глінкі на аддзяленне харавога дырыжыравання, вучоба працягвалася 6 гадоў. У 1986 годзе паступае ў Мінскі інстытут культуры на завочную форму навучання, дзе вучыцца да 1991 года.

Салістка Камерна-інструментальнага ансамбля Беларускага тэлебачання і радыё.

Творчасць

Спявачка лірычнага плану. У рэпертуары беларускія і рускія народныя песні, пераважна ў апрацоўцы Леаніда Смялкоўскага («Ох і сеяла Ульянаўна лянок», «Ой жыта ды я не сеяла»), яго творы (вакальныя цыклы), песні беларускіх кампазітараў у яго аранжыроўцы, а таксама песні беларускіх і расійскіх кампазітараў. У фонд радыё запісала больш за 500 песень. Яе творчасці ўласціва чысціня інтанацыі, своеасаблівы тэмбр, глыбокае пранікненне ў музычны матэрыял^[1].