Гарадзецкі сельсавет (Быхаўскі раён)

Гарадзецкі сельсавет
Гарадзецкі сельсавет
Краіна	Беларусь
Уваходзіць у	Быхаўскі раён
Уключае	6 населеных пунктаў
Адміністрацыйны цэнтр	Гарадзец
Дата ўтварэння	20 жніўня 1924,; 5 красавіка 1963
Дата скасавання	11 красавіка 1960,; 23 снежня 2009
Насельніцтва (2009)	498
Часавы пояс	UTC+03:00
Код аўтам. нумароў	6

Гарадзе́цкі сельсавет — былая адміністрацыйна-тэрытарыяльная адзінка ў складзе Быхаўскага раёна Магілёўскай вобласці. Цэнтр — вёска Гарадзец.

Гісторыя

Утвораны 20 жніўня 1924 года ў складзе Быхаўскага раёна Магілёўскай акругі БССР^[1]. Пасля скасавання акруговай сістэмы 26 ліпеня 1930 года ў Быхаўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Студзёнкаўскага сельсавета^[2]. 11 красавіка 1960 года скасаваны, тэрыторыя далучана да Балонавасялецкага сельсавета (11 населеных пунктаў: Вільня, Галькоўка, Дача, Залатва, Зялёны Гай, Красная Зорка, Кузнецкі, Падрабінкі, Пралетарскі, Студзёнка і Школьны) і Ямніцкага (8 населеных пунктаў: Брасавінка, Гарадзец, Зарэчча, Лубянка, Мазкі, Рэзкі, Сушчаў і Сяліба) сельсаветаў^[3].

5 красавіка 1963 года ўтвораны зноў у Быхаўскім раёне Магілёўскай вобласці з цэнтрам у вёсцы Гарадзец у складзе 17 населеных пунктаў (Барсукі, Брасавінка, Вязьма, Гамарня, Гарадзец, Дунаёк, Езва, Кіпячы, Лубянка, Навастройка, Праточнае, Рэзкі, Сяліба, Тартак і Уюн, якія знаходзілся ў складзе Ямніцкага сельсавета, Гута і Замошша, якія знаходзіліся ў складзе Балонавасялецкага сельсавета)^[4]. 23 снежня 2009 года скасаваны, тэрыторыя далучана Холстаўскага сельсавета^[5].

Насельніцтва

Насельніцтва сельсавета паводле перапісу 2009 года — 498 чалавек^[6], з іх 96,2 % — беларусы, 1,6 % — рускія, 1,4 % — украінцы^[7].

Склад

На момант скасавання ў склад сельсавета ўваходзілі 6 населеных пунктаў: Брасавінка, Гарадзец, Замошша, Лубянка, Рэзкі і Сяліба.

Зноскі

↑ Гарадзец // Гарады і вёскі Беларусі: Энцыклапедыя. Т. 5, кн. 1. Магілёўская вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2008. — 728 с.: іл. — 2 000 экз. — ISBN 978-985-11-0409-9. С. № 248
↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
↑ Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
↑ Рашэнне выканкома Магілёўскага абласнога (сельскага) Савета дэпутатаў працоўных ад 5 красавіка 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 18 (1018).
↑ Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области
↑ Насельніцтва населеных пунктаў Магілёўскай вобласці Беларусі паводле перапісу 2009 года (нявызн.)(недаступная спасылка). Архівавана з першакрыніцы 7 жніўня 2018. Праверана 18 верасня 2021.
↑ Этнічны склад насельніцтва сельсаветаў Беларусі паводле перапісу 2009 года

Літаратура

Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.