Краснаслабодскі сельсавет (Быхаўскі раён)

Краснаслабодскі сельсавет
Краіна	Беларусь
Статус	сельсавет
Уваходзіць у	Быхаўскі раён
Уключае	13 населеных пунктаў
Адміністрацыйны цэнтр	Красная Слабада
Дата ўтварэння	20 жніўня 1924
Насельніцтва (2019)	676
Часавы пояс	UTC+03:00
Код аўтам. нумароў	6
Афіцыйны сайт

Краснаслабо́дскі сельсавет — адміністрацыйна-тэрытарыяльная адзінка ў складзе Быхаўскага раёна Магілёўскай вобласці. Цэнтр — аграгарадок (да 2010 года вёска) Красная Слабада.

Утвораны 20 жніўня 1924 года як Узніцкі сельсавет у складзе Быхаўскага раёна Магілёўскай акругі БССР. Цэнтр — вёска Узнікі. Пасля скасавання акруговай сістэмы 26 ліпеня 1930 года ў Быхаўскім раёне БССР, з 20 лютага 1938 года — Магілёўскай вобласці. 20 красавіка 1939 года вёска Узнікі перайменавана ў Чырвоную (Красную) Слабаду^[1], а сельсавет — у Краснаслабодскі. У канцы 1930-х гадоў на тэрыторыі сучаснага Краснаслабодскага сельсавета існавалі пасёлкі Беларусь, Шакілаўка, Сідабор’е, Чапаева, Закал, жыхары якіх перасяліліся ў іншыя месцы. 16 ліпеня 1954 года да сельсавета далучана тэрыторыя скасаванага Ніканавіцкага сельсавета^[2]

Насельніцтва сельсавета паводле перапісу 2009 года — 951 чалавек^[3], з іх 96,5 % — беларусы, 2,5 % — рускія, 0,6 % — таджыкі^[4]; паводле перапісу 2019 года — 676 чалавек^[5].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.

• Краснаслабодскі сельсавет (Быхаўскі раён) у картатэцы Фондавага каталога дзяржаўных архіваў Рэспублікі Беларусь