Гаргандзола

Гаргандзола, гарганзола, гарганцола італ.: Gorgonzola) — адзін з найбольш вядомых італьянскіх сыроў, які адрозніваецца характэрным вастраватым смакам.

Радзімай сыру з'яўляецца Ламбардыя, галоўная вытворчасць сыру сканцэнтравана ў ваколіцах Мілана, Навары, Кома, Павіі. Паходжанне сыру датуецца Сярэднявеччам. Назва паходзіць ад невялікага гарадка Гарганцола ў прыгарадзе Мілана. Адносіцца да блакітных сыроў.

Сыр робяць з каровінага малака пры дапамозе ферментаў і грыбка пеніцыла: у малады сыр робяць ін'екцыі пеніцыла для раўнамернага размеркавання спор грыбка, з прычыны чаго гаргандзола на разрэзе мае характэрныя зялёныя палосы. У ходзе выспявання сыру ў ім застаюцца уведзенымі металічныя стрыжні, якія забяспечваюць доступ паветра для дзейнасці грыбка. Тэрмін выспявання сыру 2—4 месяцы.

Метад прыгатавання італьянскай гаргандзолы выкарыстоўваецца пры вытворчасці нямецкага сыру камбацолы.

Артыкулу нестае спасылак на крыніцы. Змест артыкулаў мусіць быць правяральным або іх могуць выдаліць. Вы можаце адрэдагаваць артыкул і дадаць спасылкі на аўтарытэтныя крыніцы.