Гарлянка пірамідальная

Гарлянка пірамідальная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Ajugoideae Род:  Гарлянка Від:  Гарлянка пірамідальная
Міжнародная навуковая назва
Ajuga pyramidalis L.
Сістэматыка на Віківідах Выявы на Вікісховішчы NCBI   1532252 EOL   5372993 GRIN   t:463919 IPNI   444657-1 TPL   kew-5370

Гарлянка пірамідальная^[1] (Ajuga pyramidalis) — від кветкавых раслін роду Гарлянка (Ajuga) сямейства Ясноткавыя (Lamiaceae).

Шматгадовая травяністая расліна з кароткім галоўным і пучком бакавых каранёў, прамым апушаным чатырохгранным сцяблом вышынёй да 35 см. Лісце буйное, адваротнаяйкападобнае або шырокалапчастае, сядзячае, часта фіялетавае. Кветкі невялікія, бледна-блакітныя, сабраны па 6 у несапраўдныя кальчакі, з якіх фармуецца пірамідальнае суквецце. Плод — акруглы, цёмна-карычневы, сеткава маршчакаваты, апушаны арэшак. Дасягае вышыні 5—30 см. Уся расліна пакрыта кароткімі валаскамі. Яна не дае пабегаў. Квітнее з чэрвеня па ліпень.

Сярэдняя і Атлантычная Еўропа, поўдзень Скандынавіі, Міжземнамор’е. Расце ў светлых месцах лесу, зараснікаў, на лугах. Аддае перавагу лясным палянам, узлескам, прасекам, высечкам, абочынам лясных дарог.

Від уключаны ў Чырвоныя кнігі Беларусі і Польшчы.

• Кудрашова М. Г. Гарлянка // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 564—565.

• Гарлянка пірамідальная ў Чырвонай кнізе Беларусі Архівавана 12 снежня 2017.
• Живучка пирамидальная — Ajuga pyramidalis: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Гэты від занесены ў Чырвоную кнігу Беларусі і ахоўваецца законам. IV катэгорыя (NT)