Гарэніцкае вадасховішча

Гарэніцкае
Каардынаты: 53°46′57″ пн. ш. 29°00′22″ у. д.HGЯO
Размяшчэнне	Беларусь, Мінская вобласць, Бярэзінскі раён
Даўжыня	6 км
Шырыня	0,25 км
Плошча	1,08 км²
Аб'ём	0,00124 км³
Даўжыня берагавой лініі	15 км
Найбольшая глыбіня	6,1 м
Сярэдняя глыбіня	1,15 м
Плошча вадазбору	480 км²
Упадаюць	Клява
Выцякаюць	Клява
Год напаўнення	1951
Гарэніцкае
Гарэніцкае

Гарэ́ніцкае — вадасховішча ў Бярэзінскім раёне Мінскай вобласці Беларусі, на рацэ Клява, за 5 км у напрамку на поўдзень ад горада Беразіно, паміж вёскамі Косаўка і Гарэнічы.

Вадасховішча створана ў 1951 годзе плацінай на рацэ Клява (прыток Бярэзіны) каля вёскі Гарэнічы. Рэканструявана ў 1972 годзе. Плошча паверхні 1,08 км². Даўжыня 6 км, найбольшая шырыня 0,25 км, даўжыня берагавой лініі 15 км. Найбольшая глыбіня 6,1 м, сярэдняя 1,15 м. Аб’ём вады 1,24 млн м³. Плошча вадазбору 480^[1] км². Сярэдні шматгадовы сцёк 94 млн м³. Левы бераг вадасховішча спадзісты. Правы больш стромкі, вышынёй 1,5—2,5 м. Дно пясчанае, каля плаціны і ў сярэдняй частцы ілістае, у верхняй частцы тарфяністае^[1]. Вадасховішча праточнае. Ваганні ўзроўню вады на працягу года 1—1,5^[1] м. Вадасховішча зарастае ў вярхоўі і каля берагоў (аер, рагоз вузкалісты, драсён земнаводны, рдзесты^[1]).

Выкарыстоўваецца ў мэтах арашэння, рыбагадоўлі і ў якасці зоны адпачынку.

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 80.
• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 572.
• Республика Беларусь. Минская область: Общегеографический атлас (руск.) / Ред. Г. Г. Науменко. — Мн.: РУП «Белкартография», 2008. — С. 17. — 48 с. — 10 000 экз. — ISBN 978-985-508-054-2.
• Республика Беларусь. Минская область. Березинский район: карта. Березино: план (руск.) / Ред. Г. П. Ляхова. — Минск: РУП «Белкартография», 2011. — 3 000 экз.
• Ліст карты N-35-83. Выданне 1981 г. (руск.)

• Водохранилища — Минская область — Морфометрические показатели и характерные уровни водохранилищ // Справочник «Водные объекты Республики Беларусь» Архівавана 20 кастрычніка 2016. (руск.)
• Водохранилища — Минская область — Описание гидротехнических сооружений // Справочник «Водные объекты Республики Беларусь» Архівавана 12 студзеня 2018. (руск.)