Гарэт Мак-Кліры

Гарэт Мак-Кліры
Гарэт Мак-Кліры
Агульная інфармацыя
Поўнае імя	Гарэт Джэймс Мак-Кліры
Нарадзіўся	15 мая 1987 (38 гадоў); Оксфард, Оксфард[d], Оксфардшыр, Англія, Вялікабрытанія;
Грамадзянства	Ямайка ; Англія
Рост	188 см
Вага	76 кг
Пазіцыя	паўабаронца
Інфармацыя пра клуб
Клуб	Уікам Уондэрэрс
Нумар	19
Маладзёжныя клубы
2004—2005	Оксфард Юнайтэд
Клубная кар’ера
Нацыянальная зборная
Узнагароды і медалі
	Залатыя Кубкі КАНКАКАФ
Срэбра	ЗША/Канада 2015
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 ліпеня 2021. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 ліпеня 2021 ;
	Медыяфайлы на Вікісховішчы

Га́рэт Джэймс Мак-Клі́ры (англ.: Garath James McCleary; 15 мая 1987, Оксфард, Англія) — ямайскі футбаліст, вінгер англійскага клуба «Уікам Уондэрэрс» і нацыянальнай зборнай Ямайкі.

Клубная кар’ера

Нарадзіўся ў Англіі, у горадзе Оксфард, дзе пачаў гуляць за мясцовую каманду «Оксфард Сіці», некаторы час правёўшы ў клуба «Оксфард Юнайтэд». Далей выступаў за мінорныя клубы «Слаў Таўн» і «Бромлі». 31 студзеня 2008 года заключыў дагавор з клубам «Нотынгем Форэст», за які дэбютаваў 3 сакавіка 2008 года, выйшаўшы на замену на 87-й хвіліне ў хатнім матчы супраць «Карлайл Юнайтэд» (0:1). У сезоне 2011/12 Мак-Кліры забіў 9 галоў.

У маі 2012 года адмовіўся падаўжаць дагавор з нотынгемскім клубам і падпісаў кантракт з клубам «Рэдынг», які выступаў у Прэм’ер-лізе. У рамках найвышэйшага англійскага дывізіёна свой першы мяч забіў 27 кастрычніка 2012 года ў браму «Фулхэма» (3:3)^[3].Пакінуў каманду ў жніўні 2020 года.

У лістападзе 2020 года ў якасці свабоднага агента далучыўся да клуба «Уікам Уондэрэрс».

Міжнародная кар’ера

У кастрычніку 2012 года быў запрошаны ў склад нацыянальнай зборнай Ямайкі, за якую дэбютаваў 6 лютага 2013 года матчам адбору да чэмпіянату свету 2014 супраць зборнай Мексікі^[4].