Гектар (міфалогія)
Ге́ктар (стар.-грэч.: Ἕκτωρ, «трымальнік»), у старажытнагрэчаскай міфалогіі[3] найхрабрэйшы правадыр траянскай войска[4], галоўны траянскі герой у «Іліядзе», сын Прыяма[5] і Гекубы[6]. Паводле Стэсіхара, Еўфарыяна і Аляксандра Эталійскага, сын Апалона[7], тое ж у Івіка і Лікафрона[8]. Муж Андрамахі. Быў велізарнага росту[9]. Паводле даўніяў і пеўкетаў, насіў валасы доўгія ззаду і кароткія спераду[10].[няма ў крыніцы] Атрымаў у падарунак ад Эанта пояс[11], за які цягнулі яго цела[12]. Забіў Пратэсілая[13]. Паводле Гігіна, усяго забіў 31 воіна[14]. У «Іліядзе» забіў 28 грэкаў. Забіў Патрокла, сябра Ахіла, і сам быў забіты Ахілам[15], які некалькі разоў працягнуў яго цела сваёй калясніцай вакол сцен Троі і затым за выкуп выдаў Прыяму. Паводле некаторых аўтараў, цела Гектара выкуплена роўнай вагай золата[16] (паводле Гамера — большай вагай). Яго косці былі паводле вяшчання аракула перанесены з Іліёна ў Фівы, там яго магіла ў крыніцы Эдыподыі[17]. Гай Гектара знаходзіўся ў Афрыніі (Траада)[18]. Іншую магілу паказвалі ў Троі[19]. Дзеючая асоба трагедый Еўрыпіда «Аляксандр», Псеўда-Еўрыпіда «Рэс», Астыдаманта Малодшага «Гектар», трагедыі Невія «Гектар, які сыходзіць». У фільме «Троя» яго ролю выканаў Эрык Бана. У гонар Гектара названы астэроід (624) Гектар, адкрыты ў 1907 годзе. У масавай культуры У сярэдневяковай Францыі, дзе прыкладна ў XIV стагоддзі з'явіліся сучасныя ігральныя карты («класічныя», або «французскія»), «карцінкі» (карты з персанажамі — каралямі, дамамі і валетамі) былі звязаны з тымі ці іншымі гістарычнымі або легендарнымі персанажамі. Званковы валет адпавядаў Гектару. Крыніцы
Літаратура
|
||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
