Геранім Камар

Геранім Камар
Геранім Камар
	; Камар[d]
суддзя земскі аршанскі[d]
пасол на Сойм Рэчы Паспалітай[d]
3-і падстолі аршанскі[d]
	14 лютага 1646 — 13 сакавіка 1654
Папярэднік	Аляксандр Тур[d]
Пераемнік	Станіслаў Галінскі[d]
8-ы падсудак аршанскі[d]
	з 13 сакавіка 1654
Папярэднік	Якуб Віславух[d]
Смерць	не раней за 1678
Род	Камары
Бацька	Крыштоф Камар
Жонка	Крысціна з Дзевалтоўскіх[d]
Дзеці	Крыштаф Камар[d]

Геранім Камар (? — пасля 1678) — ураднік і дыпламат Вялікага Княства Літоўскага.

Біяграфія

Паходзіў са шляхецкага роду Камароў уласнага герба «Камар». Нарадзіўся ў сям’і Крыштофа.

Падстолі (1648), падсудак, суддзя земскі аршанскі (1667). У 1665 годзе разам з іншай шляхтай падпісаў хадайніцтва пра кананізацыю архіепіскапа Іасафата Кунцэвіча. Удзельнічаў у абранні каралёў Яна II Казіміра ў 1648 годзе, Міхала Вішнявецкага ў 1669 годзе і Яна III Сабескага ў 1674 годзе. У час бескаралеўя 1673—1674 гадоў маршалак каптуровага суда Аршанскага павета.

Дыпламатычную кар’еру пачаў як кур’ер і перакладчык у час перагавораў у 1644 годзе дэлегацый Рэчы Паспалітай і Расіі ў Дубровічах. У 1665 годзе ўзначальваў пасольства ў Маскву. Удзельнічаў у перагаворах па заключэнні Андросаўскага перамір’я 1667 года і ў вялікім пасольстве ў Маскву. У 1669—1670 гадах удзельнічаў у новых перагаворах у Андросаве, наведаў Маскву ў складзе пасольстваў у 1670, 1671, 1673 і 1678 гадах.

Валодаў маёнткамі ў Ашмянскім павеце.