Глотачная п’яўка востраканцовая

Глотачная п’яўка востраканцовая
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Кольчатыя чэрві Клас:  Clitellata Падклас:  П'яўкі Атрад:  Бясхобатныя п’яўкі Сямейства:  Малыя лжэконскія п’яўкі Род:  Erpobdella Від:  Глотачная п’яўка востраканцовая
Міжнародная навуковая назва
Erpobdella octoculata Linnaeus, 1758
Выявы на Вікісховішчы ITIS   568899 NCBI   39305 EOL   485282

Глотачная п’яўка востраканцовая, ці Герпабдэла звычайная (Erpobdella octoculata) — від п’явак сямейства малыя лжэконскія п’яўкі (Erpobdellidae) атраду Arhynchobdellida.

Агульная даўжыня дасягае 7 см, звычайна 4-5 см. Цела некалькі сплясканае, пярэдняя частка мае цыліндрычны выгляд, задняя частка сціснутая па баках. Пярэдняя прысоска меншая за заднюю. Мае 4 пары вачэй, якія размешчаныя паралельна ў пярэдняй частцы ў выглядзе келіхападобных «плям». Складаецца з 5-кольцавых самітаў аднолькавага памеру. На спіне прысутнічаюць маленькія саскі, часам вялікія бурбалкі накшталт бародавак. Генітальныя адтуліны (ганапоры) размешчаны паміж 2 і 3 кольцамі.

Афарбоўка вар’іруецца ад чырванавата-карычневай да зялёнай. Зрэшты пераважна мае карычневую або шаравата-карычневую спіну, пакрытую папярочнымі радкамі жоўтых плямак. Зрэшты цёмны пігмент можа ў той ці іншай ступені знікаць, і плямкі застаюцца прыкметнымі толькі на частцы спіны або зусім адсутнічаюць, у выніку чаго спінная паверхня становіцца аднакаляровай, шараватай, на якой дзе-нідзе захоўваюцца цёмныя плямы.

Трымаецца як праточных, так і стаячых прэсных вод. Аддае перавагу неглыбокім і невялікім вадаёмам, можа сустракацца ва ўмерана саланаватай вадзе. З’яўляецца драпежнікам, харчуецца прадстаўнікамі роду Tubifex і лічынкамі камароў-званцоў. Можа таксама харчавацца мёртвымі або састарэлымі тканкамі арганізмаў. Здабычу заглынае цалкам. Сама яна падвяргаецца нападу розных драпежных беспазваночных; знаходзяць яе і ў страўніках рыб.

З’яўляецца гермафрадытам. Пасля спарвання праз 2-3 дня адкладаюцца авальныя коканы шэра-карычневага колеру ад 4-6 да 11-12 яец, вельмі рэдка 24.

Працягласць жыцця складае 2 гады.

Распаўсюджаная ў Еўропе, Азіі, Паўночнай Амерыцы.

• J. Schwoerbel, P. Zwick (Hrsg.) Süßwasserfauna von Mitteleuropa 6/2. Spektrum Akademischer Verlag, Heidelberg, Berlin (1999).
• Mark E. Siddall Phylogeny of the leech family Erpobdellidae (Hirudinida : Oligochaeta)(англ.) // Invertebrate Systematics. — 2002. — В. 1. — Т. 16. — С. 1–6. — ISSN 1447-2600. — DOI:10.1071/it01011