Джэймс Манджакал

Джэймс Манджакал
Род дзейнасці	каталіцкі святар, пісьменнік, паэт
Дата нараджэння	18 красавіка 1946(1946-04-18)[1] (79 гадоў)
Месца нараджэння	Керала, Індыя
Грамадзянства	Індыя  Брытанская Індыя  Індыйскі Саюз
Веравызнанне	Каталіцкая Царква
Медыяфайлы на Вікісховішчы

Джэймс Манджакал (нар. 18 красавіка 1946, Чэрувала, Керала, Індыя) — харызмат, каталіцкі святар, манах.

У 1973 годзе атрымаў святарскае пасвячэнне ў Кангрэгацыі Місіянераў св. Францішка Сальскага. На працягу года працаваў на місіях у Вішакхапатнаме. З’яўляўся выкладчыкам у семінарыі ў штаце Керала.

Праводзіць харызматычныя рэкалекцыі. Першыя з іх адбыліся ў 1976 годзе.

У 1989 годзе заснаваў «Charis Bhavan» — вядомы цэнтр аднаўлення ў Духу Святым у штаце Керала. На працягу 6 гадоў з’яўляўся кіраўніком цэнтра. Кангрэгацыя Місіянераў св. Францішка Сальскага паспрыяла, каб душпастарскае служэнне а. Манджакала было даступна ва ўсім Касцёле. Так, у 87 краінах на ўсіх кантынентах святар праводзіў рэкалекцыі, кангрэсы, цэлебраваў св. Імшы пра аздараўленне, праводзіў евангельскія школы і місіі сярод мусульман.

Айцец Манджакал з’яўляецца аўтарам кніг, вершаў, артыкулаў, многія з якіх былі ператлумачаны на еўрапейскія мовы^[2].