Дзедзінская сядзіба

Сядзібна-паркавы ансамбль
Сядзібна-паркавы ансамбль Рудніцкіх
55°41′44,64″ пн. ш. 27°29′49,22″ у. д.HGЯO
Краіна	Беларусь
Вёска	Асада Дзедзіна
Архітэктурны стыль	класіцызм
Архітэктар	Віткоўскі
Заснавальнік	Аляксандр Рудніцкі
Будаўніцтва	1810—1820 гады
Будынкі
сядзібны дом • парк
Статус	Гісторыка-культурная каштоўнасць Беларусі, шыфр 212Г000554шыфр 212Г000554
Стан	закінуты
Глобус Беларусі	globustut.by/osada-dedi/…
Медыяфайлы на Вікісховішчы

Дзедзінская сядзіба — помнік сядзібна-паркавай архітэктуры класіцызму. Створаны ў 1810—1820 гадах у в. Асада Дзедзіна (Мёрскі раён) па заказе дваранскага суддзі А. Рудніцкага, архітэктар Віткоўскі. Апошні ўладальнік Вішнявецкі.

Кампазіцыйны цэнтр комплексу — мураваная гаспода, перад якою быў разбіты пейзажны парк (захаваліся фрагменты). Гаспода — прамавугольны ў плане двухпавярховы будынак, накрыты вальмавым дахам. Цэнтр галоўнага фасада вылучаны чатырохкалонным порцікам з трохвугольным франтонам. У аздобе фасадаў выкарыстаныя пілястры, рустоўка, прафіляваныя карнізы. Планіроўка анфіладна-калідорная. Пад будынкам скляпеністыя сутарэнні. Гаспадарчыя пабудовы з каменю (1849 г.) размешчаны ва ўсходняй частцы сядзібы.

Гаспода выкарыстоўваецца як адміністрацыйны будынак. Комплекс — помнік рэспубліканскага значэння.

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 306

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 212Г000554

• На Вікісховішчы ёсць медыяфайлы па тэме Дзедзінская сядзіба
• Дзедзінская сядзіба на сайце Radzima.org
• Дзедзінская сядзіба на сайце Глобус Беларусі (руск.)
• Дзедзінская сядзіба на сайце «Архіварта»