Дом па Камісарыяцкім завулку, 10

Славутасць
Дом па Камісарыяцкім завулку, 10
53°54′15″ пн. ш. 30°20′03″ у. д.HGЯO
Краіна	Беларусь
Месцазнаходжанне	Магілёў
Дата пабудовы	пачатак XX ст.
Статус	Гісторыка-культурная каштоўнасць Беларусі, шыфр 512Е000001шыфр 512Е000001
Медыяфайлы на Вікісховішчы

Дом па Камісарыяцкім завулку, 10 — будынак у гістарычным цэнтры Магілёва. Помнік архітэктуры пачатку XX ст.

Пабудаваны ў пачатку XX ст. як даходны дом, быў прыватнаўласніцкім. У 1924 г. нацыяналізаваны. Выкарыстоўваўся як жылы і пад розныя ўстановы. Зараз гэта адміністрацыйны будынак ЗТАА «Дыялог-Магілёў»^[1].

Двухпавярховы вуглавы будынак з двума аднолькавымі фасадамі і вуглавой часткай паміж імі. Пабудаваны з цэглы чырвонага колеру, неатынкаваны, на высокім цокалі. Уваход знаходзіцца ў бакавой частцы аднаго з фасадаў. Першы паверх галоўнага фасада і ўваходная частка апрацаваны рустам. Вокны першага і другога паверхаў маюць лучковыя праёмы з замковым каменем і падаконнымі нішамі. Міжпаверхавы пояс выраблены ў выглядзе хвалістай лініі. Гзымс апрацаваны сухарыкамі. Усе дэкаратыўныя дэталі выкананы цаглянай муроўкай. Дах двухсхільны^[1].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 512Е000001

• На Вікісховішчы ёсць медыяфайлы па тэме Дом па Камісарыяцкім завулку, 10