Ежы Францішак Грабоўскі

Ежы Францішак Грабоўскі
генерал-інспектар войскаў літоўскіх 29 снежня 1783 — 1789
Папярэднік	Ян Юрый Грабоўскі
Пераемнік	Павел Ян Грабоўскі
Нараджэнне	1756 Свянцяны, Літва
Смерць	не раней за 1801 Італія
Род	Грабоўскія
Бацька	Ян Юрый Грабоўскі
Маці	Ганна з Грушчынскіх[d]
Веравызнанне	кальвінізм
Член у	Масонства
Званне	генерал-лейтэнант
Бітвы	Вайна Расіі з Рэччу Паспалітай 1792 года

Ежы Францішак Грабоўскі (польск.: Jerzy Franciszek Grabowski; ?, мястэчка Свянцяны — пасля 1801) — вялікалітоўскі ваенны дзеяч.

Паходзіў са шляхецкага роду Грабоўскіх герба «Окша». Нарадзіўся ў сям’і Яна Ежы. Ахрышчаны 27 красавіка 1756 года ў мястэчку Койданава. Генерал-інспектар войскаў літоўскіх у 1783—1789 гадах, генерал-лейтэнант (1789). Удзельнік падрыхтоўкі паўстання 1794 года, карыстаўся даверам Т. Касцюшкі. Удзельнік бітвы пад Соламі 15 чэрвеня 1794 года, абароны Вільні ў ліпені 1794 года. 3 кастрычніка 1794 года камандзір Наднарвенскай дывізіі.

1 лістапада 1794 года здаўся прускім войскам, быў зняволены ў Расіі, вызвалены Паўлам I. Выехаў у Парыж, дзе выступаў за стварэнне «літоўскіх» легіёнаў з былых вялікалітоўскіх вайскоўцаў. У 1798—1799 гадах галоўнакамандуючы войскамі Рымскай рэспублікі.

У 1801 годзе прэтэндаваў на пасаду камандзіра Наддунайскага легіёна^[ru] пасля адстаўкі К. О. Князевіча^[ru]. Далейшы лёс невядомы.

• Пазднякоў В. Грабоўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 551. — 688 с. — ISBN 985-11-0314-4 (т. 1), ISBN 985-11-0315-2.