Землетрасенне ў Інданезіі (2012)

	;
Дата і ; час	(08:38:37 UTC) 11 красавіка 2012 года
Магнітуда	8,6 Mw
Глыбіня ; гіпацэнтра	23 км
Размяшчэнне ; эпіцэнтра	2°18′40″ пн. ш. 93°03′47″ у. д.HGЯO
Закранутыя ; краіны (рэгіёны)	Інданезія; Малайзія; Тайланд; Сінгапур; Бангладэш; Індыя; Шры-Ланка
Цунамі	абвешчана пагроза
Пацярпелыя	5 загінулі, 4 пацярпелі

Землетрасенне разбуральнай сілы ля заходняга ўзбярэжжа Паўночнай Суматры магнітудай 8,6 адбылося 11 красавіка 2012 года ў 14 гадзін 38 хвілін па мясцовым часе. Эпіцэнтр землетрасення знаходзіўся ў 435 км на паўднёвы захад ад Банда-Ачэх, а гіпацэнтр залягаў у Індыйскім акіяне на глыбіні 23 км.^[1] Праз 125 хвілін адбыўся магутны афтэршок магнітудай 8,2 у 615 км на паўднёвы захад ад Банда-Ачэх на глыбіні 16 км.^[4] Землетрасенне стала 11-м па магнітудзе з 1900 года, маючы сілу, нетыповую для ўнутрыплітавых землетрасенняў.^[5]

Наступствы

Нягледзячы на значную сілу, землетрасенне не нанесла моцнай шкоды. У першыя гадзіны пасля асноўнага штуршку адбылося адключэнне электрычнасці.^[6] Пяць чалавек памерлі ад сардэчнага прыступу, 4 чалавека пацярпелі ад транспартных сродкаў у правінцыі Ачэх — самай блізкай да эпіцэнтра.^[3]

Цунамі

Адразу пасля землетрасення было абвешчана пра пагрозу цунамі, але неўзабаве яна была знята^[6]^[7]. Невялікія хвалі (каля 20 см) былі адзначаны ля вострава Вялікі Нікабар, 10-сантыметровыя хвалі былі адзначаны ў Тайландзе.^[8] Інданэзійскае агенцтва метэаралогіі, кліматалогіі і геафізікі паведаміла пра тры невялікія цунамі на ўзбярэжжы правінцыі Ачэх (да 80 см).^[9] Хвалі вышынёй 1 м дасягнулі Сімёлуэ, шкоды не зарэгістравана.^[10]