Зоя Якаўлеўна Сярова

Зоя Якаўлеўна Сярова
Дата нараджэння	22 чэрвеня 1929(1929-06-22)
Месца нараджэння	Менск, Менская акруга, БССР, СССР
Дата смерці	2008
Месца смерці	Мінск, Беларусь
Грамадзянства	СССР  Беларусь
Маці	Anna Serova[d]
Род дзейнасці	вучоная
Навуковая сфера	паталагічная фізіялогія
Месца працы	Беларускі навукова-даследчы інстытут харчовай прамысловасці[d] Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	доктар біялагічных навук[1] (1987)
Альма-матар	біялагічны факультэт БДУ
Прэміі	прэмія Нацыянальнай акадэміі навук Беларусі (2007)
Узнагароды

Зоя Якаўлеўна Сяро́ва^[2] (22 чэрвеня 1929, Мінск — 2008) — вучоны ў галіне фітапатафізіялогіі^[3], доктар біялагічных навук (1987), прафесар (2001).

Нарадзілася ў Мінску. У час Вялікай Айчыннай вайны жыла разам з маці ў Мінску і дапамагала ёй у падпольнай рабоце і выратаванні яўрэйскага насельніцтва^[4]. У 1953 годзе скончыла біялагічны факультэт Беларускага дзяржаўнага ўніверсітэта і працавала навуковым супрацоўнікам ў Беларускім навукова-даследчым інстытуце харчовай прамысловасці і выкладчыкам у сярэдняй школы ў Трасцянцы^[4]. У 1956 годзе паступіла ў аспірантуру ў Аддзел сістэматыкі і фізіялогіі ніжэйшых раслін Акадэміі навук БССР, дзе навучалася пад кіраўніцтвам В. Ф. Купрэвіча^[4]. З 1956 года працавала ў Інстытуце эксперыментальнай батанікі малодшым навуковым супрацоўнікам, вучоным сакратаром аддзела, у 1971—1982 гадах — загадчыкам аддзела, з 1987 года — галоўны навуковы супрацоўнік.

з. Я. Сяровай належаць навуковыя працы па праблемах фітаімунітэту, абгрунтаванні агульнабіялагічнай канцэпцыі фітагенезу, распрацоўцы новай стратэгіі аховы раслін. Пад яе кіраўніцтвам абаронены 3 кандыдацкія і адна доктарская дысертацыі. Аўтар больш за 170 навуковых прац, у тым ліку 5 манаграфій.

Сярод апублікаванага:

• Окислительно-восстановительные процессы инфицированного растения, [монография] / Академия наук Белорусской ССР, Институт экспериментальной ботаники им. В. Ф. Купревича; науч. ред. М. Н. Гончарик, [Текст] — Минск: Наука и техника, 1982. — 230, [2] с. — табл.;
• Метаболизм нуклеиновых кислот у растений в связи с грибной инфекцией. — Мн., 1986. (разам з Г. І. Спірыдонавай);
• Функции белков в фитопатогенезе. — Мн, 1992. (разам з Л. С. Юшко і Г. М. Падчуфаравай).

• Ордэн Айчыннай вайны 2-й ступені
• Медаль «За перамогу над Германіяй у Вялікай Айчыннай вайне 1941—1945 гг.»
• Медаль «Ветэран працы»
• Юбілейныя медалі
• Ганаровыя граматы Нацыянальнай акадэміі навук і Інстытута эксперыментальнай батанікі.
• Праведнік народаў сусвету (1994).
• Прэмія Нацыянальнай акадэміі навук Беларусі (2007).

• Сяро́ва Зоя Якаўлеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 356. — 10 000 экз. — ISBN 985-11-0035-8. — ISBN 985-11-0251-2 (т. 15).
• Праведники народов мира Беларуси: живые свидетельства Беларуси / Составители: К. И. Козак, М. И. Крапина [и др.]; под ред. В. Ф. Балакирева, К. И. Козака. — Минск: И. П. Ловинов, 2009. — С. 34, 136—140. — 292 с. — SBN 978-985-6901-50-1. (руск.)

• Выпускники биологического факультета / В. В. Лысак и др. — Минск: БГУ, 2011. — 327 с : ил. Архівавана 15 лютага 2017. (руск.) — ISBN 978-985-518-517-9.
• Серова Зоя Яковлевна (1929—2008 гг.), доктор биологических наук, профессор (руск.) // Інстытут эксперыментальнай батанікі імя В. Ф. Купрэвіча НАН Беларусі
• Серова, Зоя Яковлевна (кандидат биологических наук; 1929—2008) (руск.) // Нацыянальная бібліятэка Беларусі
• Премии Национальной академии наук Беларуси 2007 года (руск.) // НАН Беларусі
• Сярова Зоя Якаўлеўна на сайце анлайн-энцыклапедыі «Беларусь у асобах і падзеях»
• Серова Зоя Яковлевна (руск.) // Праект «Память народа»