Казлабарод украінскі

Казлабарод украінскі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Падтрыба:  Scorzonerinae Род:  Казлабарод Від:  Казлабарод украінскі
Міжнародная навуковая назва
Tragopogon ucrainicus Artemczuk, 1937
Сінонімы
Tragopogon artemczukii Klokov
Сістэматыка на Віківідах Выявы на Вікісховішчы NCBI   1428973 EOL   6249370 IPNI   256166-1 TPL   gcc-19675

Казлабаро́д украінскі^[1][2] (Tragopogon ucrainicus) — від кветкавых раслін роду Казлабарод (Tragopogon) сямейства Астравыя (Asteraceae).

Двухгадовая травяністая расліна 30—100 см даўжынёй. Расліны густа-шэра-лямцавыя. Сцяблы адзінкавыя, часта ад асновы пірамідальна-галінастыя. Прыкаранёвае лісце вузкае ад сцябловага, лінейнага; верхняе і сярэдняе сцябловае лісце паступова завостранае і часта на верхавінах закручанае ў спіраль. Лісточкі абгорткі (ля асновы суквецця) ланцэтныя, 3,5—5 мм шырынёй, тонка завостраныя, у ліку 7 (8), карацей кветак, радзей роўныя ім. Кветкі жоўтага колеру. Плод — сямянка.

Распаўсюджаны на тэрыторыі Беларусі, Расіі, Украіны^[3][4]. Святлолюбівая расліна, ксерафіт, мезафіт і мезатроф^[5].

Ва Украіне від расце на рачных пясках — на Палессі, у лесастэпе і паўночнай частцы стэпу.

• Ляховіч І. М., Пашына Г. В. Казлабаро́д // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 429—430. — 522 с. — 10 000 экз.
• Tragopogon L. — Козлобородник // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 284, 313—314. — 472 с. — 1 000 экз. — ISBN 985-6182-78-6.

• Козлобородник украинский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Растения Беларуси // Гербарий ЦБС НАН Беларуси MSKH (руск.)
• Tragopogon ucrainicus Artemczuk // ИАС «ООПТ России» (руск.)