Кайран Мак-Мастэр

Кайран Мак-Мастэр
Кайран Мак-Мастэр
Агульная інфармацыя
Пол	мужчынскі пол
Спецыялізацыя	бег на 400 метраў з бар’ерамі[d]
Клуб	Florida Gators track and field[d]
Нарадзіўся	3 студзеня 1997 (28 гадоў); Род-Таўн, Брытанскія Віргінскія астравы, Брытанскія заморскія тэрыторыі, Вялікабрытанія;
Грамадзянства	Вялікабрытанія;
Альма-матар	Фларыдскі ўніверсітэт;
Рост	187 см
IAAF	14532760
	Медыяфайлы на Вікісховішчы

Кайран Энтані Мак-Мастэр (англ.: Kyron Anthony McMaster; нар. 3 студзеня 1997, Род-Таўн, Брытанскія заморскія тэрыторыі) — лёгкаатлет Брытанскіх Віргінскіх Астравоў, спецыяліст па бар’ерным бегу. Сярэбраны прызёр чэмпіянату свету 2023 года, двухразовы чэмпіён Гульняў Садружнасці, пераможца Цэнтральнаамерыканскіх і Карыбскіх гульняў, удзельнік летніх Алімпійскіх гульняў 2020 года ў Токіа на дыстанцыі 400 метраў з бар’ерамі.

Біяграфія

У 2016 годзе ён заваяваў бронзавы медаль на чэмпіянаце свету сярод юнакоў да 20 гадоў.

Кайран прадстаўляў Брытанскія Віргінскія астравы на чэмпіянаце свету 2017 года, дзе фінішаваў у тройцы лепшых у асабістым заліку, але быў дыскваліфікаваны за парушэнне правілаў перамяшчэння па дарожцы.

Асабісты рэкорд у бегу з бар’ерамі на 400 метраў — 47,08 сек, усталяваны ў фінале Алімпійскіх гульняў 2020 года, дзе Кайран заняў чацвёртае месца. Гэта бягучы нацыянальны рэкорд.

Яго асабісты трэнер Ксаўе (Даг) Сэмюэлс загінуў 9 верасня 2017 года падчас урагану Ірма.

Мак-Мастэр заваяваў першую ў гісторыі Гульняў Садружнасці для Брытанскіх Віргінскіх Астравоў медаль (золата) у бегу на 400 м з бар’ерамі ў 2018 годзе, а затым заваяваў яшчэ адно золата на Гульнях Садружнасці, выйграўшы ў Бірмінгеме ў 2022 годзе.

У 2023 годзе на чэмпіянаце свету ў Будапешце Мак-Мастэр выйграў срэбра ў бегу на 400 метраў з бар’ерамі з вынікам 47,34. Гэта быў першы ў гісторыі медаль чэмпіянатаў свету для лёгкаатлетаў Брытанскіх Віргінскіх Астравоў.