Калодзежны шацёр (Браслаў)

Гаспадарчае збудаванне
Калодзежны шацёр
55°38′19″ пн. ш. 27°01′51″ у. д.HGЯO
Краіна	Беларусь
Горад	Браслаў
Архітэктурны стыль	закапанскі стыль
Архітэктар	Юльюш Клос
Будаўніцтва	1924—1926 гады
Статус	Гісторыка-культурная каштоўнасць Беларусі, шыфр 213Г000171шыфр 213Г000171
Глобус Беларусі	globustut.by/braslav/ind…
Медыяфайлы на Вікісховішчы

Калодзежны шацёр — драўлянае збудаванне ў цэнтры горада Браслава Віцебскай вобласці. Размяшчаецца ў двары Дома культуры.

Часам у літаратуры калодзеж фігуруе як прыклад народнага дойлідства ХІХ стагоддзя^[1]. Насамрэч, ён быў узведзены ў 1924—1926 гадах польскім архітэктарам Юльюшам Клосам у складзе архітэктурнага ансамбля ўрадавай калоніі. Архітэктар настолькі трапна стылізаваў народнае дойлідства, што браслаўскі калодзеж, выкананы ў традыцыях закапанскага стылю, некаторыя даследчыкі адносяць да традыцыйнага дойлідства ХІХ стагоддзя^[2].

Шацёр пастаўлены над калодзежам на 4 прафіляваных слупах з падкосамі. Пачатковае ўмацаванне ствала калодзежа не захавалася. Аснова шатра ўтворана скрыжаванымі бэлькамі, канцы якіх выступаюць і маюць фігурныя зрэзы. Пакрыццё шатра зроблена з мяццай дранкі, што дало магчымасць стварыць пластычныя грані і плаўныя абрысы даху. Завяршае яго шпіль з простай прафіліроўкай, аналагічнай прафіліроўцы слупоў.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000171

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 139

• На Вікісховішчы ёсць медыяфайлы па тэме Калодзежны шацёр (Браслаў)
• Калодзежны шацёр (Браслаў) на сайце Глобус Беларусі (руск.)