Каліфарнійскі дзяржаўны ўніверсітэт у Лос-Анджэлесе

Каліфарнійскі дзяржаўны ўніверсітэт у Лос-Анджэлесе
англ.: California State University, Los Angeles
Арыгінальная назва	англ.: California State University, Los Angeles
Заснаваны	1947
Студэнты	26 745[1] і 22 959[2]
Краіна	ЗША
Размяшчэнне	Лос-Анджэлес, Каліфорнія, ЗША
Сайт	calstatela.edu
Медыяфайлы на Вікісховішчы

Каліфарнійскі дзяржаўны ўніверсітэт у Лос-Анджэлесе (англ.: California State University, Los Angeles) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Лос-Анджэлес у штаце Каліфорнія, ЗША.

Вучэльня была заснавана ў 1947 годзе як Лос-Анджэлескі дзяржаўны каледж, які быў перайменаваны ў Каліфарнійскі дзяржаўны каледж у Лос-Анджэлесе ў 1964 годзе. Універсітэт атрымаў сваю цяперашнюю назву ў 1972 годзе, калі стаў часткай сістэмы Каліфарнійскага дзяржаўнага ўніверсітэта.

Універсітэт прапануе 142 праграмы атрымання ступені бакалаўра, 122 праграмы магістратуры і 4 праграмы аспірантуры. Вучэльня мае афіцыйны статус іспанамоўнай установы адукацыі. Універсітэцкі кампус знаходзіцца прыкладна за 8 км на паўночны ўсход ад цэнтра Лос-Анджэлеса.

• Каледж здароўя і сацыяльных паслуг
• Каледж прыродазнаўчых і грамадскіх навук
• Каледж інжынерыі, камп'ютарных навук і тэхналогій
• Каледж бізнесу і эканомікі
• Каледж адукацыі
• Каледж мастацтваў і літаратуры
• Каледж прафесійнай і глабальнай адукацыі
• Каледж этнічных студый
• Ганаровы каледж

• Спіс універсітэтаў штата Каліфорнія

• На Вікісховішчы ёсць медыяфайлы па тэме Каліфарнійскі дзяржаўны ўніверсітэт у Лос-Анджэлесе
• Афіцыйная інтэрнэт-старонка ўстановы