Канстанцін Васілевіч Шавель

Канстанцін Васілевіч Шавель
Род дзейнасці	трактарыст
Дата нараджэння	12 жніўня 1931(1931-08-12)[1]
Месца нараджэння	Кухцічы, Сямёнавіцкі сельсавет, Уздзенскі раён, Беларуская ССР, СССР
Дата смерці	31 мая 2005(2005-05-31)[1] (73 гады)
Грамадзянства	СССР  Беларусь
Партыя	КПСС[1]
Узнагароды і прэміі

Канстанцін Васілевіч Шавель (12 жніўня 1931—31 мая 2005^[2][3]) — работнік сельскай гаспадаркі, Герой Сацыялістычнай Працы (1972).

Нарадзіўся ў вёсцы Кухцічы (зараз ва Уздзенскім раёне Мінскай вобласці Беларусі). Вучыўся ў школе ў Сямёнавічах^[4]. Скончыў курсы трактарыстаў і працаваў на Пагранічнай машына-трактарнай станцыі ў Кухцічах. У 1951 годзе К. Шавель быў прызваны ў Савецкую Армію. Службу праходзіў на Балтыйскім флоце. Пасля звальнення ў запас у 1954 годзе вярнуўся на працу трактарыстам на Пагранічную МТС, а пасля скасавання сістэмы МТС працаваў на розных участках сельскагаспадарчай вытворчасці ў калгасе «Перамога» (з 1962 года «Усход») у Кульцічах, кіраваў механізаваным звяном.

К. В. Шавель прымаў удзел у грамадска-палітычным жыцці. У 1971—1975 гадах быў дэпутатам Вярхоўнага Савета БССР 8-га склікання і членам яго Пастаяннага камітэта па сельскай гаспадарцы. Таксама быў членам Уздзенскага раённага камітэта КПБ. Дэлегат XXVI з’езда КПСС.

• Герой Сацыялістычнай Працы (1972)
• Ордэн Леніна (1972)
• Ордэн Дружбы народаў (1981)
• Ордэн «Знак Пашаны» (1971)
• Медалі, у тым ліку медалі ВДНГ СССР

• Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — 737 с. — 50 000 экз.
• Памяць: Гіст.-дакум. хроніка Уздзенскага р-на. — Мн.: БЕЛТА, 2003. — 654 c.: іл. — ISBN 985-6302-50-1.

• Известные люди Узденщины (руск.) // Сайт Уздзенскага раённага выканаўчага камітэта
• Виктор Соболевский В поле проще, чем в президиумах… Как герой Социалистического Труда Константин Шавель совмещал работу с общественными обязанностями (руск.) // Газета «Чырвоная Зорка»