Капліца-пахавальня Абуховічаў

Славутасць
Капліца-пахавальня Абуховічаў
52°46′41″ пн. ш. 26°37′29″ у. д.HGЯO
Краіна	Беларусь
Месцазнаходжанне	Вялікія Круговічы
Архітэктурны стыль	неакласіцызм
Дата пабудовы	1830-я
Статус	Гісторыка-культурная каштоўнасць Беларусі, шыфр 113Г000029шыфр 113Г000029
Медыяфайлы на Вікісховішчы

Капліца-пахавальня Абуховічаў — капліца ў паўночна-заходняй частцы в. Вялікія Круговічы Ганцавіцкага раёна.

Пабудавана ў 1830-я гг. з цэглы як пахавальня ўладальнікаў сядзібы Абуховічаў.

Помнік архітэктуры неакласіцызму. Вырашана лапідарным прамавугольным у плане аб’ёмам пад стромкім двухсхільным дахам. Плоскасныя фасады пазбаўлены архітэктурнага дэкору, апяразаны карнізам простага профілю, прарэзаны арачнымі аконнымі і ўваходным праёмамі. Пад капліцай сутарэнне пад цыліндрычным скляпеннем.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000029

• Вялікія Круговічы // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 77-78. — 488 с. — ISBN 978-985-11-0395-5.

• На Вікісховішчы ёсць медыяфайлы па тэме Капліца-пахавальня Абуховічаў