Капліца Святога Казіміра (Ружаны)

Славутасць
Капліца Святога Казіміра
52°52′11,5″ пн. ш. 24°53′48,50″ у. д.HGЯO
Краіна	Беларусь
Мястэчка	Ружаны
Канфесія	каталіцтва
Епархія	Пінская дыяцэзія
Тып будынка	капліца
Архітэктурны стыль	класіцызм
Архітэктар	Ян Самуэль Бекер
Дата заснавання	1792
Статус	ахоўваецца дзяржавай
Стан	закінуты
Медыяфайлы на Вікісховішчы

Каплі́ца Свято́га Казі́міра, таксама Касцё́л Святога Казіміра — каталіцкі храм у Ружанах Пінскай дыяцэзіі. Помнік архітэктуры ранняга класіцызму.

Пабудову капліцы фундаваў уласнік ружанскага маёнтка Аляксандр Сапега. Праект выканаў саксонскі архітэктар Ян Самуэль Бекер. Будаўніцтва звязваюць з мошчамі святога Казіміра, якія ў сярэдзіне XVII стагоддзя захоўваліся ў ружанскіх уладаннях Сапегаў^[1]. Першапачаткова капліца ўваходзіла ў склад комплексу базыльянскага кляштара.

Будынак мураваны прамавугольны ў плане, накрыты двухсхільным дахам. Па перыметры будынка праходзіць прафіляваны карніз. Прамавугольныя высокія вокны. Уваходныя дзверы і бакавыя нішы аздоблены ліштвамі. Сцены ў інтэр’еры завершаныя карнізам. Алтар мураваны ў выглядзе порціка дарычнага ордара.

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Zbigniew Hauser. Nowy ilustrowany przewodnik po zabytkach kultury na Białorusi. — Warszawa, 2005. — ISBN 83-87654-25-6.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000641

• На Вікісховішчы ёсць медыяфайлы па тэме Капліца Святога Казіміра (Ружаны)
• аб'ект на сайце Radzima.org
• Касцёл Св. Казіміра (руск.) на «Глобусе Беларусі»