Капліца ў памяць цудоўнага выратавання Імператарскага сямейства (Мінск)

Славутасць
Капліца ў памяць цудоўнага выратавання Імператарскага сямейства
53°53′37″ пн. ш. 27°32′30″ у. д.HGЯO
Краіна	Беларусь
Месцазнаходжанне	Мінск
Канфесія	РПЦ
Дата пабудовы	1898
Дата скасавання	1936

Капліца ў памяць цудоўнага выратавання Імператарскага сямейства — колішняя праваслаўная капліца ў Мінску, якая размяшчалася на цяперашняй плошчы Мяснікова.

Пабудавана ў 1898^[1] годзе ў неарускім стылі ў памяць пра выратаванне Імператарскага сямейства ў чыгуначнай катастрофе^[ru], якая адбылася 17 (29) кастрычніка 1888 года з імператарскім цягніком на ўчастку Курска-Харкава-Азоўскай чыгункі пад Харкавам. Нягледзячы на шматлікія чалавечыя ахвяры і моцныя пашкоджанні рухомага саставу, у тым ліку царскага вагона, сам імператар Аляксандр III і члены яго сям’і засталіся жывымі. Выратаванне імператарскай сям’і ў афіцыйным друку і ў царкоўнай традыцыі інтэрпрэтавалася як цудоўнае.

Капліца размяшчалася насупраць дома купца X. М. Пераца, за 5 сажняў ад мураванай Казанскай чыгуначнай царквы ў бок Заходняга моста. Яе плошча складала 9 кв. аршынаў^[1].

Разбурана ў час «бязбожнай пяцігодкі» ў 1935—1936 гадах^[1].

Мураваная капліца была выканана ў неарускім стылі ў выглядзе цэнтрычнай 8-граннай ратонды, завершанай цыбулепадобным лускаватым купалам. Архітэктура была насычана цагляным узароччам^[2].

• Галоўная вуліца Мінска, 1880—1940 гг. / Леанід Маракоў. — Мінск: Мастацкая літаратура, 2012. — Т. Кн. 1. — 259 с. — ISBN 978-985-02-1426-3.