Карл Францавіч Рулье

Карл Францавіч Рулье
Дата нараджэння	8 (20) красавіка 1814[1] ці 20 красавіка 1814(1814-04-20)[1]
Месца нараджэння	Ніжні Ноўгарад, Ніжагародская губерня, Расійская імперыя[2]
Дата смерці	10 (22) красавіка 1858[1] ці 22 красавіка 1858(1858-04-22)[1] (44 гады)
Месца смерці	Масква, Маскоўская губерня, Расійская імперыя[2]
Месца пахавання	Увядзенскія могілкі[d]
Грамадзянства	Расійская імперыя
Род дзейнасці	палеантолаг, заолаг, выкладчык універсітэта, натураліст, урач, батанік
Навуковая сфера	геалогія, палеанталогія і зоагеаграфія
Месца працы	МДУ[3][4]
Навуковая ступень	доктар медыцынскіх навук
Альма-матар	Маскоўская медыка-хірургічная акадэмія[d]
Член у	Маскоўскае таварыства выпрабавальнікаў прыроды[d][3] Q4200365?
Медыяфайлы на Вікісховішчы

Карл Францавіч Рулье́^[5] (фр.: Сarl (Karl) Rouillier (Rouille), руск.: Карл Францевич Рулье; 20 красавіка 1814 — 22 красавіка 1858) — расійскі вучоны, палеантолаг, заолаг, эвалюцыяніст, ардынарны прафесар Маскоўскага ўніверсітэта (1842).

Нарадзіўся ў Ніжнім Ноўгарадзе ў сям’і французскага імігранта. Першапачатковую адукацыю атрымаў у сям’і, потым у прыватных пансіёнах. З 1829 года выхаванец, з 1831 года студэнт Маскоўскага аддзялення Медыка-хірургічнай акадэміі. Акадэмію скончыў у 1833 годзе і быў зацверджаны лекарам першага аддзялення. З-а недахопу сродкаў паступіў на службу малодшым лекарам у рыжскі драгунскі полк. У 1836 годзе выйшаў у адстаўку і па прапанове Г. І. Фішэра фон Вальдгейма заняў пасаду рэпетытара на кафедры заалогіі і мінералогіі Медыка-хірургічнай акадэміі. У 1937 годзе абараніў дысертацыю на званне доктара медыцыны і адначасова з выкладчыцкай дзейнасцю заняў пасаду захавальніка Заалагічнага музея Маскоўскага ўніверсітэта, з 1940 года — яго дырэктара. У 1937 годзе абраны членам Маскоўскага таварыства выпрабавальнікаў прыроды, пасаду сакратара якога займаў у 1840—1851 гадах. У 1840 годзе быў запрошаны чытаць лекцыі па заалогіі ў Маскоўскім універсітэце. З 1842 года экстраардынарны прафесар, з 1850 года ардынарны прафесар кафедры заалогіі физіка-матэматычнага аддзялення філасофскага факультэта.

Аўтар навуковых прац па геалогіі, палеанталогіі, тэарэтычнай біялогіі, эвалюцыйным развіцці арганічнага свету. Заснавальнік навуковай школы заолагаў-эвалюцыяністаў.

Сярод апублікаваных прац:

• О животных Московской губернии. (1845);
• О ржаном черве, поедавшим озимь в 1846 г. на пространстве 18 губерний (у сааўтарстве, 1847);
• Три открытия в естественной истории пчелы .(1857);
• Жизнь животных по отношению к внешним условиям: три публ. лекции, читанные ординарным профессором К. Рулье в 1851 г. — М.: Моск. ун-т, 1852.

• Рулье Карл Францавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 440. — 10 000 экз. — ISBN 985-11-0035-8. — ISBN 985-11-0216-4 (т. 13).
• Микулинский С. Р. Карл Францевич Рулье (1814—1858) // Русский орнитологический журнал 2012, Том 21, Экспресс-выпуск 806: 2561—2579 (Второе издание. Первая публикацияв 1963) (руск.)

• Рулье Карл Францевич // Научно-исследовательский зоологический музей Московского государственного университета Архівавана 18 красавіка 2021. (руск.)
• Наталья Беспалова Карл Францевич Рулье // Журнал «Наука и Техника»(недаступная спасылка) (руск.)
• Рулье Карл Францевич (руск.). // Летопись Московского университета.