Касцёл Святых Пятра і Паўла (Івацэвічы)

Каталіцкі храм
Касцёл Святых Пятра і Паўла
52°42′49″ пн. ш. 25°19′04″ у. д.HGЯO
Краіна	Беларусь
Горад	Івацэвічы
Канфесія	Каталіцызм
Епархія	Пінская дыяцэзія Пружанскі дэканат
Стан	дзейнічае
Глобус Беларусі	globustut.by/ivacevichi/…

Касцёл Святых Пятра і Паўла — мураваны каталіцкі храм у горадзе Івацэвічы Брэсцкай вобласці.

Першы парафіяльны храм быў пабудаваны каля 1750 года родам Глухоўскіх. Месціўся касцёл на тэрыторыі сучаснай выхаваўча-працоўнай калоніі (у той час на вуліцы Юрздзіка).

У 1866 годзе касцёл быў забраны пад праваслаўную царкву. У 1922 годзе вернуты вернікам і існаваў да 1944 года. Быў разбураны пры вызваленні горада ад нямецка-фашысцкіх захопнікаў. У 1962 годзе, пры выкананні будаўнічых работ, прыкладна ў 300 метрах ад касцёла былі знойдзены сляды пахаванняў^[1].

Сучасны касцёл пабудаваны ў пачатку 21 ст. з цэглы.

Дынамічна-асіметрычную кампазіцыю храмавага комплексу фарміруюць касцёл і злучаная з ім аднапавярховым крылом званіца. Касцёл вырашаны манументальным прамавугольным у плане аб’ёмам пад двухсхільным дахам, які выходзіць на фасад двухгранным шчытом, фланкіраваным трох’яруснымі трохграннымі вежамі-рызалітамі пад двухсхільнымі пакрыццямі. Вось сіметрыі фасада адзначана круглым акном-ружай (уплыў готыкі) і ўваходнай тэрасай-аркадай. Плоскасныя фасады рытмічна расчлянёны прамавугольнымі аконнымі праёмамі з трохвугольнымі сандрыкамі. Пастаўленая вуглом высотная чатрох’ярусная чатырохгранная вежа-званіца завершана спічастым шатром^[2].

• Кулагін А. М. Каталіцкія храмы Беларусі: Энцыкл. даведнік / А. М. Кулагін.

• Івацэвічы — парафія святых апосталаў Пятра і Паўла — http://catholic.by/
• Касцёл Святых Пятра і Паўла (Івацэвічы) на сайце Глобус Беларусі (руск.)