Каэфіцыент паглынання

Каэфіцыент паглынання — безразмерная фізічная велічыня, якая характарызуе здольнасць цела паглынаць падаючае на яго выпрамяненне. У якасці літарнага пазначэння выкарыстоўваецца грэчаская ${\displaystyle \alpha }$^[1].

Лікава каэфіцыент паглынання роўны адносіне патоку выпрамянення ${\displaystyle \Phi }$, паглынутага целам, да патоку выпрамянення ${\displaystyle \Phi _{0}}$, што ўпала на цела ^[1][2]:

${\displaystyle \alpha ={\frac {\Phi }{\Phi _{0}}}.}$

Сума каэфіцыента паглынання і каэфіцыентаў адлюстравання, прапускання і рассейвання раўняецца адзінцы. Гэта сцвярджэнне вынікае з закона захавання энергіі.

У тых выпадках, калі спектр падаючага выпрамянення настолькі вузкі, што выпрамяненне можна лічыць монахраматычным, кажуць аб монахраматычным каэфіцыенце паглынання. Іншая ўжывальная ў такіх акалічнасцях назва мае тое ж значэнне, — паглынальная здольнасць^[3] цела.

Калі спектр падаючага на цела выпрамянення шырокі, то адпаведны каэфіцыент паглынання называюць інтэгральным.

У агульным выпадку значэнне каэфіцыента паглынання цела залежыць як ад уласцівасцей самога цела, так і ад вугла падзення, спектральнага саставу і палярызацыі выпрамянення.

У большай ступені характарызуе здольнасць паглынаць выпрамяненне матэрыяламі, а не целамі. Адпаведна, у адрозненне ад каэфіцыента паглынання ў яго вызначэнні выкарыстоўваецца не агульны паток ${\displaystyle \Phi _{0}}$, які ўпаў на на паверхню цела, а паток ${\displaystyle \Phi _{in}}$, што прайшоў праз уваходную паверхню цела.

Такім чынам, каэфіцыент унутранага паглынання ${\displaystyle \alpha _{i}}$ вызначаецца з суадносін^[1]:

${\displaystyle \alpha _{i}={\frac {\Phi }{\Phi _{in}}}.}$

Паток ${\displaystyle \Phi _{in}}$ пры гэтым звязаны з ${\displaystyle \Phi _{0}}$ роўнасцю:

${\displaystyle \Phi _{in}=(1-\rho )\Phi _{0},}$

дзе ${\displaystyle \rho }$ — каэфіцыент адлюстравання.

У агульным выпадку, пры распаўсюджванні паралельнага пучка выпрамянення ў асяроддзі, дзе адначасова мае месца паглынанне і рассейванне выпрамянення, каэфіцыент унутранага паглынання звязаны з натуральнымі паказчыкамі паглынання ${\displaystyle a'}$ і рассейвання ${\displaystyle r'}$ суадносінамі:

${\displaystyle \alpha _{i}={\frac {a'}{a'+r'}}\left[1-e^{-(a'+r')l}\right],}$

дзе ${\displaystyle l}$ - адлегласць, пройдзеная выпрамяненнем у асяроддзі.

• Паказчык паглынання
• Каэфіцыент адлюстравання
• Каэфіцыент рассейвання
• Каэфіцыент аслаблення
• Каэфіцыент прапускання