Кладскае графства

Кладскае графства (Графства Глац)
	феод Чэшскага каралеўства
Кладскае графства (Графства Глац)
	чэшск.: Kladské hrabství; ням.: Grafschaft Glatz
	Герб
< > 1462 — 1742 ;
Сталіца	Кладска
Рэлігія	Каталіцтва
Плошча	1643 км²
Насельніцтва	64 871 (1778)
	Медыяфайлы на Вікісховішчы

Кладскае графства (чэшск.: Kladské hrabství), або графства Глац (ням.: Grafschaft Glatz) — сілезскае графства, тэрыторыя якога ў наш час уваходзіць у склад Ніжнесілезскага ваяводства Польшчы. Акружана горамі, якія ўтвараюць катлавіну. Самыя высокія — Глацкія Снегавыя. Асноўную частку насельніцтва графства складалі немцы і чэхі, пераважна каталікі.

На тэрыторыі графства здабываўся каменны вугаль, пясчанік, вапняк; працавала шмат лесапільных заводаў. Шмат мінеральных крыніц.

Кладскае графства разам з гербам было заснавана паводле ўказа чэшскага караля Іржы з Подзебрадаў 17 снежня 1462 года і перададзена ў феадальнае валоданне яго сынам. У 1501—1534 гадах графствам валодаў штырыйскі род фон Гардэг, які прадаў яго каралю Фердынанду I, але захаваў за сабой тытул графаў фон Глац (гэты тытул фон Гардэгі носяць дагэтуль).

У 1742 годзе па выніках Першай Сілезскай вайны разам з Сілезіяй графства ўвайшло ў склад Прусіі паводле Брэслаўскага дагавора.