Клімент (Кушч)

Клімент
Адукацыя	Кіеўская духоўная семінарыя
Дзейнасць	архіепіскап
Нараджэнне	9 красавіка 1969(1969-04-09) (56 гадоў) Сімферопаль, Крымская вобласць, УССР, СССР
Узнагароды	Ордэн Святога Роўнаапостальнага князя Уладзіміра Вялікага[d]
Медыяфайлы на Вікісховішчы

Клімент (свецкае імя Кушч Павел Мікалаевіч; нар. 9 красавіка 1969 года ў Сімферопалі) — украінскі рэлігійны дзеяч, архірэй Праваслаўнай царквы Украіны, мітрапаліт Крымскі.

У 1992 годзе скончыў акцёрскі факультэт Харкаўскі інстытута мастацтваў імя І. Катлярэўскага па спецыяльнасці «Лялечны тэатр». З 1992 па 1996 год працаваў у Крымскім тэатры лялек у якасці акцёра і мастака-лялечніка. У 1996 годзе прыняў іпадыяканскі сан і пачаў служыць у кафедральным саборы Святых Уладзіміра і Вольгі УПЦ КП у Сімферопалі — кафедральным саборы Крымскай епархіі Украінскай Праваслаўнай Царквы Кіеўскага Патрыярхату. У 2000 годзе скончыў праваслаўную семінарыю ў Кіеве.

8 лістапада 1996 года епіскапам Сімферопальскім і Крымскім Антоніем рукапаложаны ў сан дыякана, а 28 лютага 1997 года - у іерэя. Служыў у саборы Святых Уладзіміра і Вольгі ў Сімферопалі. 4 ліпеня 2000 года прыняў вечныя манаскія абяцанні пад імём Клімент. 23 ліпеня таго ж года ў саборы Святога Уладзіміра ў Кіеве атрымаў архірэйскую хіратанію. Ён стаў кіруючым Крымскай епархіі. З 2005 года ўзначальваў місію Кіеўскага Патрыярхату ў Італіі. У 2012 годзе атрымаў сан архіепіскапа. З 22 студзеня 2018 года па 21 жніўня 2020 года часова кіраваў Херсонскай епархіяй. 9 жніўня 2020 года атрымаў сан мітрапаліта.