Крысцін Лагард

Крысцін Лагард
Крысцін Лагард
	фр.: Christine Lagarde
дырэктар-распарадчык Міжнароднага валютнага фонду[d]
	5 ліпеня 2011 — 12 верасня 2019
міністр фінансаў Францыі[d]
	14 лістапада 2010 — 29 чэрвеня 2011
Папярэднік	Крысцін Лагард
Пераемнік	François Baroin[d]
Minister of Agriculture and Fisheries[d]
	18 мая 2007 — 18 чэрвеня 2007
Папярэднік	Dominique Bussereau[d]
Пераемнік	Мішэль Барнье
старшыня
	з кастрычнік 1999
член савета дырэктараў[d]
	з 2010
міністр фінансаў Францыі[d]
	19 чэрвеня 2007 — 14 лістапада 2010
Папярэднік	Jean-Louis Borloo[d]
Пераемнік	Крысцін Лагард
Старшыня Еўрапейскага цэнтральнага банка[d]
	з 1 лістапада 2019
Папярэднік	Марыа Драгі
Нараджэнне	1 студзеня 1956[…] (69 гадоў); IX акруга Парыжа, Парыж, Парыж[d], рэгіён Іль-дэ-Франс, Метраполія Францыі, Францыя;
Імя пры нараджэнні	фр.: Christine Madeleine Odette Lallouette
Муж	Wilfried Lagarde[d], Q113585479? і Xavier Giocanti[d]
Партыя	Саюз за народны рух[d];
Адукацыя	Lycée François-Ier[d]; Q125840365?; Holton-Arms School[d]; Парыж-Нантэрскі ўніверсітэт; Інстытут палітычных даследаванняў[d]; École des beaux-arts d'Avignon[d];
Месца працы	Baker McKenzie[d];
Аўтограф
Узнагароды	ганаровы доктар Манрэальскага ўніверсітэта[d] (2014) Time 100[d] (2022) Q116984705? (2007) Honorary doctor of the University of Liège[d] (2023) Global Citizen Awards[d] (2011)
	Медыяфайлы на Вікісховішчы

Крысці́н Мадле́н Адэ́т Лага́рд^[4] (фр.: Christine Madeleine Odette Lagarde, народжаная Лалуэт^[4] (Lallouette), 1 студзеня 1956, Парыж) — дырэктар-распарадчык Міжнароднага валютнага фонду (з 5 ліпеня 2011); раней — міністр эканомікі і фінансаў Францыі.

Біяграфія

Нарадзілася 1 студзеня 1956 года ў Парыжы ў сям’і ўніверсітэцкіх выкладчыкаў. Спачатку Крысцін абрала для сябе спартыўную кар’еру — уваходзіла ў зборную Францыі па сінхроннаму плаванню, стала бронзавым прызёрам нацыянальнага першынства. Пасля ранняй смерці бацькі спартыўная кар’ера была скончана. «Калі мне было сямнаццаць, я атрымала стыпендыю American Field Service (міжнародная структура, якая арганізуе абмен школьнікамі па ўсім свеце) і правяла цэлы год у Злучаных Штатах. Іншая краіна, чужая мова, іншая сістэма адукацыі спачатку выклікалі шок. А потым я зразумела, што значыць be global…».

Вышэйшую адукацыю атрымала ва Універсітэце Парыж X — Нантэр і ў Інстытуце палітычных навук.

З 1981 года працавала адвакатам у адной з найбуйнейшых у свеце юрыдычных і кансалтынгавых фірм — «Baker & McKenzie», Чыкага. 25 гадоў Крысцін Лагард прапрацавала ў «Baker & McKenzie», дзе зрабіла кар’еру і ў 1999 годзе стала першай жанчынай, якая ўзначаліла гэту арганізацыю. Пад кіраўніцтвам Лагард адвакацкі кабінет са штаб-кватэрай у Чыкага падвоіў свой абарот і зарабіў у 2004 годзе больш за $1 млрд. У 2002-м Wall Street Journal Europe паставіў Крысцін Лагард на пятае месца ў рэйтынгу выбітных дзелавых жанчын Еўропы. Да таго ж з 1995 па 2002 год яна працавала ў Цэнтры міжнародных і стратэгічных даследаванняў (Center for International & Strategic Studies), дзе ўзначальвала адну з камісій сумесна са Збігневам Бжэзінскім. У 2005 годзе былы прэм’ер-міністр Францыі Жан-П’ер Рафарэн угаворвае Лагард здзейсніць стромкі паварот у кар’еры — вярнуцца ў Францыю і заняцца палітыкай. Яна згаджаецца і займае пост дзяржсакратара па знешнім гандлі ў новым урадзе. У 2007 годзе Нікаля Сарказі давярае ёй партфель міністра эканомікі, фінансаў і занятасці, Лагард — першая жанчына на гэтай пасадзе. Дамінік Строс-Кан адклікаўся пра Лагард са скепсісам: «Для апісання нашых адносін з мадам Лагард слова „павага“ наўрад ці падыходзіць, — гаварыў ён. — Яна некампетэнтная, гэта ўсяго толькі прыгожы фасад». Многіх Лагард шакавала сваёй амерыканскай шчырасцю. Праз некалькі месяцаў пасля прызначэння на пасаду міністра фінансаў яна заявіла публічна: «Калі бензін занадта дарагі, французам трэба перасесці на веласіпеды». Журналісты параўналі яе з Марыяй-Антуанэтай, вядомай сваёй фразай «Калі ў іх няма хлеба, няхай ядуць пірожныя!», і ахрысцілі яе Мадам Бестактоўнасць (фр.: La gaffe; «бестактоўнасць», сугучна прозвішчу Lagarde)^[5]. Уваходзіць у лік самых уплывовых жанчын свету (рэйтынг «Форбс»). Гуляе ў тэніс. Маці дваіх сыноў.