Ласла Паал

Ласла Паал
Ласла Паал
	венг.: Paál László
	; М. Мункачы. Партрэт Ласла Паала.
Дата нараджэння	30 ліпеня 1846[…]
Месца нараджэння	Зам[d], Зам[d], жудзец Хунедаара, Румынія;
Дата смерці	4 сакавіка 1879 (32 гады)
Месца смерці	Шарантон-ле-Пон[d], arrondissement of Créteil[d], дэпартамент Сена, Францыя;
Грамадзянства	Венгрыя;
Род дзейнасці	мастак
Жанр	пейзаж
Вучоба	Акадэмія выяўленчых мастацтваў ў Вене, Акадэмія мастацтваў у Дзюсельдорфе
Мастацкі кірунак	Барбізонская школа (руск.) (бел.
Уплыў	Аўгуст Альберт Цымерман (руск.) (бел.
	Медыяфайлы на Вікісховішчы

Ласла Паал (венг.: László Paál, 30 ліпеня 1846, с. Зам (цяпер румынскі жудзец Хунедаара ў рэгіёне Трансільванія) — 4 сакавіка 1879, Шарантон-ле-Пон, Францыя) — венгерскі мастак-пейзажыст і імпрэсіяніст. Прадстаўнік барбізонскай школы.

Біяграфія

У 1864—1866 навучаўся жывапісу ў Венскай акадэміі выяўленчых мастацтваў, вучань нямецкага мастака Альберта Цімермана (руск.) (бел..

У 1869 упершыню прадставіў некаторыя з сваіх работ на буйной выстаўцы ў Мюнхене. У 1870 здзейсніў паездку ў Нідэрланды, у тым жа годзе па рэкамендацыі блізкага сябра і паплечніка вянгерскага жывапісца Міхая Мункачы паступіў для працягу вучобы ў Дзюсельдорфскую Акадэмію мастацтваў.

З 1873 Паал жыў у калоніі мастакоў-барбізонцаў. Быў сталым удзельнікам Парыжскага салона, на якім у 1873 атрымаў узнагароду за карціну «Заход».

1874 — член асацыяцыі мастакоў Дзюсельдорфа.

Памёр у 1879 годзе. За гады творчасці напісаў каля 65 карцін. Пасля смерці мастака яго палотны былі прададзеныя на аўкцыёне ў Парыжы ў 1880 годзе.

Творчасць

На думку спецыялістаў і крытыкаў, успрыманне і перадача прыроды Паалам поўныя напружанай страсці і тэмпераменту. Жывапісная манера мастака гэтак жа эмацыйная і актыўная, як у Мункачы. Каляровыя суадносіны драматычныя і кантрасныя. Прырода ў яго пейзажах прасякнута вечнай дынамікай і пераменнасцю. Гэта адчуванне бесперапыннага руху прыроды мастаку ўдаецца ўвасобіць з дапамогай тэмпераментнай манеры пісьма. Разам з тым у пейзажах Паала няма нічога ад мімалётнай няпэўнасці імпрэсіяністычнага ўспрымання. Пры ўсім адчуванні зменлівасці яго прырода матэрыяльная ў сваёй прадметнай пэўнасці, пластычнай цэльнасці.