Леанід Леанідавіч Барткевіч

Леанід Барткевіч
Поўнае імя	Леанід Леанідавіч Барткевіч
Дата нараджэння	25 мая 1949(1949-05-25)
Месца нараджэння	Мінск, Беларуская ССР, СССР
Дата смерці	13 красавіка 2021(2021-04-13)[1] (71 год)
Месца смерці	Мінск, Беларусь
Месца пахавання	Усходнія могілкі
Краіна	СССР Беларусь Расія
Жонка	Вольга Валянцінаўна Корбут
Альма-матар	Расійскі інстытут тэатральнага мастацтва[d] Мінскі дзяржаўны архітэктурна-будаўнічы каледж
Месца працы	Дзіпрасельбуд
Музычная дзейнасць
Прафесіі	спявак
Гады актыўнасці	з 1970
Інструменты	Гітара
Жанры	Фолк-рок
Калектывы	Песняры
Узнагароды
Медыяфайлы на Вікісховішчы
bortkevi.ru

Леані́д Леані́давіч Бартке́віч (25 мая 1949(1949-05-25), Мінск — 13 красавіка 2021(2021-04-13)^[1], Мінск) — беларускі спявак і музыкант, саліст ансамбля «Песняры». Заслужаны артыст Беларусі (1979).

У дзяцінстве быў салістам у хоры хлапцоў Мінскага палаца піянераў. Пасля сканчэння музычнай школы па класе трубы быў салістам харавога ансамбля «Юнацтва» пры Мінскай кансерваторыі.

Адукацыю атрымаў у Мінскім архітэктурным тэхнікуме па спецыяльнасці «Праектаванне». Пад час навучання ў тэхнікуме быў салістам мясцовага аркестру, у далейшым стаў вакалістам створанага ім вакальна-інструментальнага ансамбля «Залатыя яблыкі».

Некаторы час працаваў архітэктарам у «Белдзіпрасельбудзе». З 1970 года ўвайшоў у склад вакальна-інструментальнага ансамбля «Песняры».

У 1977 годзе Леанід Барткевіч развёўся з першай жонкай і ажаніўся з Вольгай Корбут, вядомай савецкай гімнасткай.

У 1980 годзе паступіў у Расійскі інстытут тэатральнага мастацтва (ГІТІС). У тым жа годзе з-за немагчымасці сумяшчаць гастролі і вучобу пакінуў ансамбль «Песняры». З 1983 года быў салістам Беларускага тэлебачання і радыё. Некаторы час быў удзельнікам ансамбля «Мальвы», а таксама працаваў салістам ва «Укрканцэрце». Потым быў вакалістам Дзяржаўнага радыё і тэлебачання СССР.

У 1989 годзе з жонкай, Вольгай Корбут і сынам Рычардам пераехаў у ЗША, але ў 2000 годзе вярнуўся ў Беларусь і зноў некаторы час працаваў у «Песнярах». Пасля смерці Уладзіміра Мулявіна Леанід Барткевіч арганізаваў у Расіі музычны калектыў з назвай «ансамбль „Песняры“», зарэгістраваўшы аднаіменную гандлёвую марку.

Аўтар біяграфічнай кнігі «„Песняры“ и Ольга» (2003).

Каталік па веравызнанню.

Памёр 13 красавіка 2021 года^[2].

Саліст-вакаліст ансамбля «Песняры» вядомы выкананнем песень «Александрына», «Белоруссия», «Бярозавы сок», «Вераніка» і інш. Найбольш адказныя сола ў работах «Гусляр» І. Лучанка і «Песня пра долю» У. Мулявіна^[3]. Запісаў з ансамблем і сола шмат беларускіх народных песень на магнітную стужку і грампласцінкі (некаторыя ў дуэце з Данчыкам).

• Лаўрэат I прэміі Усесаюзнага конкурсу савецкай песні (1973).