Леў Васільевіч Садоўскі

Леў Васільевіч Садоўскі
Дата нараджэння	1827
Альма-матар	Пецярбургскае будаўнічае вучылішча (1849)
Узнагароды
Медыяфайлы на Вікісховішчы

Леў Васільевіч Садоўскі (1827 — ?) — архітэктар^[1].

Нарадзіўся ў 1827 годзе^[1].

Выхаванне атрымаў у Пецярбургскім будаўнічым вучылішчы^[1] і па сканчэнні курса з чынам калежскага рэгістратара, быў прызначаны ў чарнігаўскую губернскую будаўнічую і дарожную камісію архітэктарскім памочнікам^[1].

У 1865 годзе Л. Садоўскі быў прызначаны малодшым інжынерам будаўнічага аддзялення чарнігаўскага губернскага праўлення і, праз два гады, узведзены ў званне архітэктара^[1]. У 1874 годзе прызначаны пензенскім, а потым (у 1879 годзе) мінскім губернскім архітэктарам. Адначасова займаў пасаду епархіальнага архітэктара^[2]. У 1882 годзе прылічыўся да Міністэрства, а ў наступным годзе выйшаў у адстаўку^[1].

Кіраваў працамі па будаўніцтве ў г. Бялінскім Свята-Пакроўскага сабора^[3][4].

Разам з К. Хршчановічам з’яўляецца аўтарам праекта Мінскіх прысутных месцаў.

У 1885 годзе ў Слуцку быў узведзены будынак Слуцкага духоўнага вучылішча па праекце Л. Садоўскага^[2].