Людміла Васільеўна Жыжэнка

Людміла Васільеўна Жыжэнка (25 кастрычніка 1953, Гомель) — беларуская мастачка.

Жыве і працуе ў г. Гомелі. Скончыла Мінскае мастацкае вучылішча імя А. К. Глебава.

Працуе ў жанрах пейзажу, нацюрморта (акварэль, алей). Валодае тэхнікай жывапісу з выкарыстаннем нафты.

Удзельніца абласных і рэспубліканскіх выстаў, а таксама групавых у Італіі і Германіі. Творы аўтара знаходзяцца ў прыватных калекцыях краін блізкага і далёкага замежжа.

Аўтар распрацоўкі арыгінальнай тэхнікі напісання карцін нафтай.

Людміла Васільеўна распрацавала прынцыпова новы метад напісання карцін. Замест акварэльнай фарбы выкарыстоўваецца нафта, нанесеная на спецыяльную сухую паперу. Атрымліваемыя такім чынам карціны маюць адметны каларыт і вонкава падобныя да старых, пажоўклых ад часу фатаграфій.

• Афіцыйны сайт мастака(недаступная спасылка)
• http://www.1tv.ru/news/other/160340
• http://www.ctv.by/news/~news=42167(недаступная спасылка)
• http://www.belta.by/ru/photonews/i_17580.html
• http://www.tvr.by/rus/culture.asp?id=31806 Архівавана 27 сакавіка 2011.