Лючыя Стурдза-Буландра

Лючыя Стурдза-Буландра
Лючыя Стурдза-Буландра
	рум.: Lucia Sturdza-Bulandra
Дата нараджэння	25 жніўня 1873
Месца нараджэння	Ясы, Аб’яднанае княства Валахіі і Малдовы;
Дата смерці	19 верасня 1961 (88 гадоў)
Месца смерці	Бухарэст, Румынія;
Грамадзянства	Аб’яднанае княства Валахіі і Малдовы; Каралеўства Румынія; Сацыялістычная Рэспубліка Румынія;
Муж	Тоні Буландра[d]
Адукацыя	факультэт літаратуры Бухарэсцкага ўніверсітэта[d];
Прафесія	актрыса, тэатральная актрыса, педагог
Гады актыўнасці	1898—1961
Тэатр	Нацыянальны тэатр[d]; Тэатр Буландра[d]; Бухарэсцкі нацыянальны ўніверсітэт музыкі;
Узнагароды
IMDb	ID 0836458
Подпіс
	Медыяфайлы на Вікісховішчы

Лючыя Сту́рдза-Була́ндра^[3] (рум.: Lucia Sturdza-Bulandra; 25 жніўня 1873 — 19 верасня 1961) — румынская актрыса, тэатральны дзеяч, рэжысёр і педагог. Народная артыстка Сацыялістычнай Рэспублікі Румынія (1951)^[3]^[4].

Біяграфія

Нарадзілася ў горадзе Ясы (зараз у Румыніі). Вучылася на факультэце літаратуры і філасофіі Бухарэсцкага ўніверсітэта^[5]^[6]. У 1898 годзе дэбютавала на сцэне Нацыянальнага тэатра ў Бухарэсце. У 1914 годзе разам з мужам Тоні Буландрай арганізавала трупу, у якой была актрысай, рэжысёрам і дырэктарам. У 1941 годзе трупа распалася і Лючыя Стурдза-Буландра перайшла працаваць у Муніцыпальны тэатр Бухарэста (з 1961 года тэатр яе імя) дзе з 1947 года займала пасаду дырэктара. З 1930 года — прафесар Бухарэсцкай кансерваторыі. У 1957—1961 гадах старшыня румынскай Асацыяцыі дзеячаў тэатра і музыкі^[4].

Творчасць

Сярод роляў у тэатры: Марыя Сцюарт («Марыя Сцюарт» Ф. Шылера), Васа Жалязнова («Васа Жалязнова» М. Горкага), Ганна Карэніна («Ганна Карэніна» паводле Л. Талстога), Дынэску («Зруйнаваная цытадэль» Х. Лавінэску), лэдзі Чылтэрн («Ідэальны муж» О. Уайльда) і інш. Таксама здымалася ў кіно.

Аўтар кніг «Акцёр і драматургія» (рум.: «Actorul si arta dramatica», 1912) и «Успаміны… Успаміны…» (рум.: «Amintiri... amintiri...», 1960)^[4].

Узнагароды і званні

Народная артыстка Сацыялістычнай Рэспублікі Румынія (1951)^[3]^[4].
Ордэн Белага арла (Сербія)
Ордэн Зоркі Румыніі
Ордэн Працы I ступені
Дзяржаўная прэмія Сацыялістычнай Рэспублікі Румынія (1952)^[3]^[4]

Памяць

З 1961 года былы Муніцыпальны тэатр у Бухарэсце (цяпер Тэатр Буландра) носіць імя Лючыі Стурдза-Буландры.
Нацыянальны банк Румыніі 10 чэрвеня 2013 года ўвёў у абарачэнне у нумізматычных мэтах тыражом 500 асобнікаў памятную манету намінальным коштам 10 леяў з выявай актрысы^[5].
У 1996 годзе Пошта Румыніі выпусціла паштовую марку з выявай актрысы.

Зноскі

↑ Lucia Sturza Bulandra // AaRC — 2010.
<a href="https://wikidata.org/wiki/Track:Q73138480"></a>
↑ https://enciclopediaromaniei.ro/wiki/Lucia_Sturdza-Bulandra
↑ ^а ^б ^в ^г БелЭн 2002.
↑ ^а ^б ^в ^г ^д Стурдза-Буландра Лючия // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
↑ ^а ^б Lucia Sturza Bulandra // All about Romanian Cinema Архівавана 30 чэрвеня 2023. (рум.) (Праверана 30 чэрвеня 2023)
↑ Lucia Sturdza-Bulandra // Enciclopedia României (рум.) (Праверана 30 чэрвеня 2023)

Літаратура

Сту́рдза-Була́ндра Лючыя // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 224. — 10 000 экз. — ISBN 985-11-0035-8. — ISBN 985-11-0251-2 (т. 15).
Стурдза-Буландра Лючия // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)