Лідзія Валянцінаўна Салаўёва

Лідзія Валянцінаўна Салаўёва
укр.: Лідія Валентинівна Соловйова
Род дзейнасці	пауэрліфтэр
Дата нараджэння	21 студзеня 1978(1978-01-21) (47 гадоў)
Месца нараджэння	Днепрапятроўск, Днепрапятроўская вобласць, УССР, СССР
Грамадзянства	СССР  Украіна
Узнагароды і прэміі
Медыяфайлы на Вікісховішчы

Лідзія Валянцінаўна Салаўёва (укр.: Лідія Валентинівна Соловйова, нар. 21 студзеня 1978 г.) — украінская спартсменка (паўэрліфтынг), заслужаны майстар спорту Украіны. Паралімпійская чэмпіёнка 2004, 2008 і 2016 гадоў, сярэбраны прызёр 2000 года, бронзавы прызёр Паралімпійскіх гульняў 2012 года ў Лондане.

У Лідзіі Салаўёвай ад нараджэння праблемы з апорна-рухальным апаратам. Яна нарадзілася хворай на нанізм, маці кінула дачку ў радзільным доме і дзяўчынка выхоўвалася ў інтэрнаце.

Талент Лідзіі Салаўёвай заўважыў прэзідэнт Паралімпійскага камітэта Украіны Валерый Сушкевіч. У 1990-х гадах Дом інвалідаў у Днепрапятроўску, дзе жыла і вучылася Лідзія Салаўёва, наведаў Валерый Міхайлавіч Сушкевіч. Пасля размовы з ім дзяўчына вырашыла заняцца спортам. Яна паступіла ў Луганскі тэхнікум вучыцца на швачку-матарыстку, дзе трэнер па цяжкай атлетыцы заўважыў і развіў яе патэнцыял.

Займаецца паўэрліфтынгам у Днепрапятроўскім абласным цэнтры «Інваспорт».

10 верасня 2016 года на Паралімпійскіх гульнях у Рыа-дэ-Жанейра (Бразілія) Лідзія Салаўёва атрымала свой трэці залаты медаль Палалімпіяд на спаборніцтвах па паўэрліфтынгу, устанавіўшы новы сусветны рэкорд — 107 кг.

Дзякуючы паспяховым выступленням, Лідзія Салаўёва стала папулярнай у Дняпры. Пасля навін пра яе ў прэсе і на тэлебачанні, яе знайшла маці і зараз яны жывуць разам.

• Сярэбраны прызёр XIV летніх Паралімпійскіх гульняў 2000 года (Сідней).
• Чэмпіёнка XII летніх Паралімпійскіх гульняў 2004 года (Афіны).
• Чэмпіёнка і рэкардсменка XIII летніх Паралімпійскіх гульняў 2008 года (Пекін).
• Бронзавы прызёр XIV летніх Паралімпійскіх гульняў 2012 года (Лондан).
• Сярэбраны прызёр у вазе да 50 кг на Чэмпіянаце свету 2014 года.
• Чэмпіёнка ў вазе да 50 кг Кубку свету 2015 года.
• Чэмпіёнка Еўропы 2015 года.
• Сярэбраны прызёр у асабістым першынстве Кубку свету 2016 года.
• Чэмпіёнка і рэкардсменка XV летніх Паралімпійскіх гульняў 2016 года (Рыа-дэ-Жанейра).