Майсей Фраймавіч Шварцман

Майсей Фраймавіч Шварцман
Дата нараджэння	3 лістапада 1911(1911-11-03)
Месца нараджэння	Курныкы, Вінніцкі павет[d], Падольская губерня, Расійская імперыя
Дата смерці	25 чэрвеня 1944(1944-06-25) (32 гады)
Месца смерці	Шумілінскі раён, Віцебская вобласць, БССР, СССР
Месца пахавання	Брацкая магіла (Бешанковічы)
Альма-матар	Вінніцкі педагагічны інстытут (1936)
Грамадзянства	Расійская імперыя  Украінская Народная Рэспубліка  СССР
Прыналежнасць	СССР
Званне	маёр
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Майсей Фраймавіч Шварцман (нар. 3 лістапада 1911, в. Курныкы, Вінніцкая вобласць, Украіна — 25 чэрвеня 1944, Шумілінскі раён) — Герой Савецкага Саюза (1944).

Пасля школы скончыў Вінніцкі настаўніцкі інстытут. Працаваў настаўнікам, загадчыкам раённага аддзела народнай адукацыі ў горадзе Хмільныку Вінніцкай вобласці. Затым загадчыкам партыйнага кабінета Тыўраўскага райкама партыі.

У першы дзень Вялікай Айчыннай вайны прыйшоў у ваенкамат дабраахотнікам. З ліпеня 1941 года ўдзельнічаў у баях. Баявое хрышчэнне прыняў пад горадам Крыжопіль. Абараняў Маскву, ваяваў пад Вялікімі Лукамі. Асабліва вызначыўся ў баях за вызваленне Беларусі ўлетку 1944 года.

25 чэрвеня 1944 года пераправіўся на левы бераг ракі Заходняя Дзвіна ў раёне вёскі Грынёва Бешанковіцкага раёна. Пры абароне плацдарма памёр у баі.

Пахаваны ў брацкай магіле гарадскога пасёлка Бешанковічы^[1].

Указам Прэзідыума Вярхоўнага Савета СССР ад 22 ліпеня 1944 года быў удастоены высокага звання — Герой Савецкага Саюза^[2].

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.