Малое Магеланава Воблака

	Галактыка
Гісторыя даследавання
Абазначэнні	NGC 292, ESO 29-21, A 0051-73, IRAS00510-7306, ММО, SMC, PGC 3085
Наглядальныя даныя; (Эпоха J2000.0)
Тып	SB(s)m pec
Прамое ўзыходжанне	00гадз 52мін 38,0с
Схіленне	−72° 48′ 00″
Адлегласць	197 ± 9 тысяч св. гадоў (61 ± 3 тысячы парсек)
Бачная зорная велічыня mV	2,2
Фатаграфічная зорная велічыня mB	2,8
Бачныя памеры	5° × 3°
Паверхневая яркасць	14,1
Вуглавое становішча	45°
Сузор’е	Тукан
Фізічныя характарыстыкі
Радыус	7000 св. гадоў
Абсалютная зорная велічыня (V)	−16.2
Уласцівасці	Спадарожнік Млечнага Шляху

Мало́е Магела́нава Во́блака (ММВ, SMC, NGC 292) — карлікавая галактыка спадарожнік Млечнага Шляху. Знаходзіцца на адлегласці каля 60 кілапарсек у сузор’і Тукана і выглядае як воблака, якое цьмяна свеціцца, памерам каля 3°. Змяшчае 1,5 мільярда зорак. Малое Магеланава Воблака і Вялікае Магеланава Воблака акружаны агульнай абалонкай з нейтральнага вадароду, якую называюць Магеланава Сістэма.

Малое Магеланава Воблака названа ў гонар партугальскага мараплаўца Фернана Магеллана, які назіраў гэтую галактыку ў 1519 годзе ў час кругасветнага падарожжа.

На тэрыторыі Расіі, гэтак жа як і амаль ва ўсім Паўночным паўшар'і, Малое Магеланава Воблака не назіраецца.

Згодна з апублікаванымі у верасні 2014 года дадзенымі, па адной з мадэлей, праз 4 млрд. гадоў Млечны Шлях «паглыне» Вялікае і Малое Магеланава Аблокі, а праз 5 млрд. гадоў сам будзе паглынуты Туманнасцю Андрамеды^[2].

У Малым Магеланавым Воблаку знаходзіцца звышхуткая ўцякаючая зорка^[ru], якая адносіцца да тыпу жоўтых звышгігантаў^[en] J01020100-7122208^[3]^[4].