Мальва пагрэбаваная

Мальва пагрэбаваная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Мальвакветныя Сямейства:  Мальвавыя Падсямейства:  Malvoideae Трыба:  Malveae Род:  Мальва Від:  Мальва пагрэбаваная
Міжнародная навуковая назва
Malva neglecta Wallr.
Сістэматыка на Віківідах Выявы на Вікісховішчы ITIS   21836 NCBI   183277 EOL   584651 IPNI   561795-1 TPL   kew-2503504

Мальва пагрэбаваная^[1] (Malva neglecta) — від раслін роду Мальва (Malva) сямейства Мальвавыя (Malvaceae).

Мальва пагрэбаваная, пацёркі, шалежкі^[2][3], прасты сляз, сляз, слясь, шалежкі, шэляг^[4], перапечкі, праскуркі, свіная рэпа^[5][6][7]

Расце ў Еўразіі ў абласцях субтрапічнага і ўмеранага клімату. Інвазійны від у Паўночнай Амерыцы. Аддае перавагу глебам, багатым на азоцістыя рэчывы. Расце на выганах і сярод рэдкіх кустоў, уздоўж дарог, у садах і гародах.

Аднагадовая расліна, 10—40 см вышынёй, месцамі пакрытая валасінкамі. Сцябло прамое або прыпаднятае, разгалінаванае.

Лісце з доўгімі чарашкамі, круглявае, часткова 5—7-лопасцевае, пільчатае. Неапушанае зверху, знізу, з валасінкамі і залозкамі. Прылісткі яйкападобныя.

Кветкі развіваюцца ў пазухах лісця. Вяночак у 2 разы даўжэй за чашачку, ружова-белы, пялёсткі злёгку выемчатыя. Цвіце з мая па верасень.

Плод — дыскападобная скрыначка, 6—7 мм у дыяметры, з кароткім слупком.

Лекавая расліна. У народнай медыцыне ўжываецца пры катарах верхніх дыхальных шляхоў і страўнікавых захворваннях.

• Рандушка Д., Шомшак Л., Габерова И. Цветовой атлас растений. — Братислава: Обзор, 1990. — 416 с. — ISBN 80-215-0068-9

• Просвирник незамеченный — Malva neglecta: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)