Маракайба (горад)

Горад Маракайба ісп.: Maracaibo Сцяг Герб Краіна  Венесуэла Каардынаты 10°38′00″ пн. ш. 71°38′00″ з. д.HGЯO Заснаваны 8 верасня 1529 Плошча 1 393 км² Вышыня цэнтра 6 м Водныя аб’екты Возера Маракайба Насельніцтва 1 551 539 чал. (2011) Часавы пояс UTC-4 Тэлефонны код 0261 Паштовыя індэксы 4001 a 4046 Аўтамабільны код V Афіцыйны сайт maracaibo.gob.ve Маракайба на карце Венесуэлы

Медыяфайлы на Вікісховішчы

Марака́йба (ісп.: Maracaibo) — горад на паўночным захадзе Венесуэлы, сталіца штата Сулія.

Насельніцтва — 1,2 млн чал. (2001), другі паводле колькасці насельніцтва (пасля Каракаса) горад краіны.

Горад размешчаны на заходнім беразе вузкага праліва, што злучае Венесуэльскі заліў Карыбскага мора з возерам Маракайба.

Марскі порт. З супрацьлеглым берагам праліва злучаны мостам.

Заснаваны ў 1529 годзе нямецкімі каланістамі як Ной-Нюрнберг (ням.: Neu Nürnberg, «Новы Нюрнберг»), але неўзабаве пакінуты. Паўторна заснаваны 20 студзеня 1571 года капітанам Алонса Пачэка пад назвай Нуэва-Самора (Nueva Zamora), па заканчэнні трохгадовых войнаў з мясцовымі індзейцамі Сапарас, Кірыкірыс, Алілес і Тоас. Да XVII стагоддзя — важны каланіяльны порт, пасля некалькіх нападаў піратаў страціў сваё значэнне. Пасля адкрыцця радовішчаў нафты ў 1917 годзе горад пачаў актыўна развівацца.

Найбуйнейшы ў Венесуэле нафтаперапрацоўчы цэнтр, нафтаналіўны порт. Вытворчасць будаўнічых матэрыялаў, тэкстылю і харчовых тавараў.

• Маракайба // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 103. — 10 000 экз. — ISBN 985-11-0035-8. — ISBN 985-11-0169-9 (т. 10).