Маргарэт (прынцэса Вялікабрытаніі)

Маргарэт
англ.: Princess Margaret
Імя пры нараджэнні	англ.: Princess Margaret Rose of York вал.: Y Dywysoges Margaret Rose of York
Род дзейнасці	арыстакратка, свецкая львіца
Дата нараджэння	21 жніўня 1930(1930-08-21)[1][2][…]
Месца нараджэння	Glamis Castle[d], Вобласць Ангус, Шатландыя, Вялікабрытанія[3]
Дата смерці	9 лютага 2002(2002-02-09)[1][2][…] (71 год)
Месца смерці	King Edward VII's Hospital Sister Agnes[d], Вэстмінстэр, графства Вялікі Лондан, Вялікі Лондан[d], Англія, Вялікабрытанія
Месца пахавання	Мемарыяльная капліца караля Георга VI[d][4][5]
Грамадзянства	Вялікабрытанія
Веравызнанне	Царква Англіі
Бацька	Георг VI[5][6]
Маці	Елізавета Боўз-Лаян[5][6]
Муж	Antony Armstrong-Jones, 1st Earl of Snowdon[d]
Дзеці	David Armstrong-Jones, 2nd Earl of Snowdon[d] і Lady Sarah Chatto[d]
Член у	Брытанская каралеўская сям'я
Узнагароды і прэміі	ганаровы доктар Універсітэта Брытанскай Калумбіі[d] Queen Elizabeth II Coronation Award[d] ганаровы член Каралеўскай калегіі хірургаў Англіі[d] (1963)
Сайт	royal.uk/princess… (англ.)
Медыяфайлы на Вікісховішчы

Прынцэса Маргарэт, графіня Сноўдан (Маргарэт Роўз, англ.: Margaret Rose; 21 жніўня 1930 — 9 лютага 2002) — член каралеўскай сям’і Вялікабрытаніі, дачка караля Георга VI, малодшая і адзіная сястра каралевы Лізаветы II.

Прынцэса Маргарэт нарадзілася 21 жніўня 1930 года ў замку Глэміс, у Шатландыі. Яна была малодшай дачкой Георга VI і Лізаветы Боўз-Лаян. Прынцэса была ахрышчана ў капліцы Букінгемскага палаца. Яе хросным бацькам стаў старэйшы брат яе бацькі — будучы Эдуард VIII, а хроснай маці — Інгрыд, народжаная прынцэса Швецыі, каралева Даніі некалькімі гадамі пазней.

Большую частку дзяцінства правяла з бацькамі і сястрой. Яе жыццё рэзка змянілася ў 1936 годзе, калі яе дзядзька па бацькоўскай лініі, кароль Эдуард VIII, адрокся ад прастолу, каб ажаніцца з двойчы разведзенай амерыканкай Уоліс Сімпсан: бацька Маргарэт прынц Альберт стаў каралём Георгам VI, маці — каралевай-кансортам, а сястра меркаванай спадчынніцай прастола, у той час як Маргарэт стала другой у чарзе на трон.

Падчас Другой сусветнай вайны дзве сястры засталіся ў Віндзорскім замку, нягледзячы на шматлікія бамбардзіроўкі Лондана і прапановы эвакуіраваць іх у Канаду. У гады вайны Маргарэт лічылася занадта малады для выканання якіх-небудзь афіцыйных абавязкаў і замест гэтага працягнула сваю адукацыю.

Маргарэт была неадназначным членам брытанскай каралеўскай сям’і. Прынцэса стала мэтай папарацы з-за свайго выгаднага становішча і незвычайных для члена каралеўскай сям’і паводзін. Яе заўважалі ў таварыстве Джона Тэрнера, які пасля стаў прэм’ер-міністрам Канады.