Марозія

Марозія
італ.: Marozia
Нараджэнне	каля 892 Рым, Папская вобласць
Смерць	мерк. 936[1] Рым, Папская вобласць
Род	Theophylactes[d]
Бацька	Тэафілакт I[d]
Маці	Феадора[d]
Муж	Альберых I Спалецкі, Гвіда[d] і Гуга Арльскі[d]
Дзеці	Ян XI і Альберых II Спалецкі
Медыяфайлы на Вікісховішчы

Марозія (Мароцыя) (італ.: Marozia, 880/892 — 937/954) — дачка рымскага сенатара Тэафілакта I і яго жонкі Феадоры Старэйшай.

Адрозніваючыся прыгажосцю і лёгкімі норавамі, атрыманымі ў спадчыну ад маці, яна мела, разам з ёй, вялікі ўплыў на Папаў X стагоддзя. Ажанілася з Альберыхам I, маркграфам Камерына, і з дапамогай свайго палюбоўніка, Папы Сергія III, падахвочвала мужа, пераможца над сарацынамі пры Гарыльяна, захапіць уладу над Рымам.

Калі гэта не ўдалося з-за процідзеяння Папы Яна X і Альберых быў забіты, Марозія ажанілася з Гвіда, маркграфам Тасканы, стварыла сабе моцную партыю ў Рыме, захапіла Яна X і загадала задушыць яго ў турме.

Наступныя Папы — Леў VI і Стэфан VII (VIII) — былі крэатурамі Марозіі, якая пасля смерці Стэфана ўзвяла на папскі прастол свайго сына ад Папы Сергія, Яна XI, і стала поўнай валадаркай Рыма і Царквы. Тым часам Гвіда памёр, і Марозія ажанілася з Гуга Арльскім, каралём Арэлацкім і Італьянскім.

Неўзабаве пасля вяселля яе сын ад першага шлюбу, Альберых II, настроіў рымлян супраць маці, выгнаў Гуга з Рыма, захапіў у свае рукі ўладу, аддаў пад варту Папу і пасадзіў у турму Марозію, дзе яна заставалася да самай смерці.

Перыяд кантролю Марозіі і Феадоры над Рымам завецца парнакратыяй.

Мужы:

1. Альберых I
2. Гвіда, маркграф Тасканы
3. Гуга Арльскі, кароль Італіі

Дзеці:

1. Ян XI
2. Альберых II
3. Сергій
4. Канстанцін
5. Берта

• Марозия // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.