Марыяна Барысаўна Подкіна

Марыяна Барысаўна Подкіна
Дата нараджэння	10 лютага 1931(1931-02-10)
Месца нараджэння	Краснадар, СССР
Дата смерці	4 кастрычніка 2003(2003-10-04) (72 гады)
Месца смерці	Мінск, Беларусь
Грамадзянства	СССР  Расія
Муж	Марат Мусаевіч Газіеў[d]
Адукацыя	Пермскі дзяржаўны харэаграфічны каледж[d]
Прафесія	балерына
Тэатр	Пермскі акадэмічны тэатр оперы і балета імя П. І. Чайкоўскага Пермскі дзяржаўны харэаграфічны каледж[d] Нацыянальны акадэмічны Вялікі тэатр оперы і балета Рэспублікі Беларусь Беларускі дзяржаўны акадэмічны музычны тэатр
Узнагароды

Марыяна^[1] (Мар’яна)^[2] Барысаўна Подкіна (10 лютага 1931, г. Краснадар, Расія — 4 кастрычніка 2003^[3]) — расійская і беларуская артыстка балета, педагог. Народная артыстка Расіі (1967).

У 1950 годзе скончыла Пермскае харэаграфічнае вучылішча па класу педагога Кацярыны Гейдэнрэйх (дыплом з адзнакай), у 1951—1989 гадах выкладала ў ім.

У 1950—1974 гадах — салістка Пермскага тэатра оперы і балета.

З 1994 года — балетмайстар-пастаноўшчык Дзяржаўнага тэатра музычнай камедыі Беларусі, з 1998 года — рэпетытар Нацыянальнага акадэмічнага тэатра балета Беларусі. У тэатры музычнай камедыі працавала з вядучымі артыстамі над спектаклямі «Шапэніяна» на музыку Ф. Шапэна, «Дон Кіхот» Л. Мінкуса і інш.

Да 1974 года выступала на сцэне. Яе выканальніцкай манеры ўласцівы яркі, вобразны стыль танца, які вызначаўся віртуознай тэхнікай, тэмпераментам. Першая выканаўца партый: Грушанька («Грушанька» Б. Машкова), Маці («Бераг надзеі» А. Пятрова), Марутка («Выбух» М. Крукава і Г. Церпілоўскага). Сярод іншых партый: Кітры («Дон Кіхот» Л. Мінкуса), Адылія («Лебядзінае возера» П. Чайкоўскага), Гаспадыня Меднай гары («Каменная кветка» С. Пракоф’ева) і інш.

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
• Мар’яна Барысаўна Подкіна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.