Марыя Пятроўна Максакава

Марыя Пятроўна Максакава
Марыя Пятроўна Максакава
Род дзейнасці	оперная спявачка, музычны педагог, публіцыстка
Дата нараджэння	26 сакавіка (8 красавіка) 1902
Месца нараджэння	Астрахань, Астраханская губерня, Расійская імперыя;
Дата смерці	11 жніўня 1974 (72 гады)
Месца смерці	Масква, РСФСР, СССР;
Месца пахавання	Увядзенскія могілкі[d];
Грамадзянства	СССР; Расійская імперыя;
Муж	Maximilian Maksakov[d] і Yakov Davydov[d]
Дзеці	Людміла Максакова[d]
Месца працы	Расійскі інстытут тэатральнага мастацтва[d];
Узнагароды і прэміі	; Прэмія Роберта Шумана[d] (1972)
	Медыяфайлы на Вікісховішчы

Марыя Пятроўна Макса́кава (руск.: Мария Петровна Макса́кова; народжаная Сідарава, 26 сакавіка (8 красавіка) 1902, Астрахань — 11 жніўня 1974, Масква) — савецкая оперная спявачка (лірычнае меца-сапрана), педагог, публіцыст; народная артыстка СССР (1971), лаўрэат трох Сталінскіх прэмій I ступені (1946, 1949, 1951).

Біяграфія

М. П. Максакава нарадзілася 26 сакавіка (8 красавіка) 1902 года ў Астрахані, у сям’і служачага, саратаўскага мешчаніна Пятра Сідарава і астраханскай мяшчанкі Людмілы Барысаўны.

Спявала ў царкоўным хоры, затым вучылася вакалу ў Астраханскім музычным вучылішчы (цяпер Астраханскі музычны каледж імя М. П. Мусаргскага) у В. Н. Барадзіна. У 1919 годзе ў Чырвоным Яры адбыўся дэбют сямнаццацігадовай спявачкі, дзе яна выканала партыю Вольгі ў оперы «Яўген Анегін» П. І. Чайкоўскага. Станаўленне спявачкі адбывалася ў опернай трупе Астраханскага дзяржаўнага тэатра оперы і балета пад кіраўніцтвам М. К. Максакава — настаўніка і мужа.

У канцэртным рэпертуары спявачкі — рамансы П. І. Чайкоўскага, вакальныя цыклы Р. Шумана, творы савецкіх кампазітараў, рускія народныя песні. Часта выступала з Дзяржаўным рускім народным аркестрам ім. Н. П. Осіпава.

Адна з першых прадстаўнікоў савецкага мастацтва за мяжой, гастралявала ў Турцыі (1935), Польшчы (1936), Фінляндыі (1950), ГДР (1968-69).

Выкладала вакальнае мастацтва ў ГІТІСе, дзе была дацэнтам. Узначальвала Народную пеўчую школу ў Маскве.